പാലക്കാട്: നടനും കൊല്ലം എം.എല്.എയുമായ മുകേഷിനെ ഫോണില് വിളിച്ച വിദ്യാര്ത്ഥിയെ കണ്ടെത്തി. ഒറ്റപ്പാലം മീറ്റ്ന സ്വദേശിയായ പത്താം ക്ലാസ് വിദ്യാര്ത്ഥിയാണ് വിളിച്ചത്. സുഹൃത്തിന്റെ ഓണ്ലൈന് പഠനത്തിന് സഹായം തേടിയാണ് വിളിച്ചതെന്ന് കുട്ടിയുടെ ബന്ധുക്കള് വ്യക്തമാക്കി. കുട്ടിയെ കണ്ടെത്താല് സ്പെഷ്യല് ബ്രാഞ്ച് അന്വേഷണം തുടരുന്നതിനിടെയാണ് കുട്ടിയെ തിരിച്ചറിയുന്നത്.
അതിനിടെ, കുട്ടിയോട് അപമര്യാദയായി പെരുമാറിയെന്ന് കാണിച്ച് മുകേഷിനെതിരെ യൂത്ത് കോണ്ഗ്രസ് ദേശീയ ബാലാവകാശ കമ്മീഷന് പരാതി. നല്കി. മുകേഷ് ഗുരുതരമായ സത്യപ്രതിജ്ഞ ലംഘനം നടത്തിയെന്ന് പരാതിയില് പറയുന്നു. സഹായം തേടി വിളിച്ച കുട്ടിയെ അടിക്കുമെന്ന് മുകേഷ് ഭീഷണിപ്പെടുത്തിയെന്നും ദേശീയ ബാലാവകാശ കമ്മീഷന് നല്കിയ പരാതിയില് പറയുന്നു.
സംഭവത്തില് കൊല്ലത്തെ വീട്ടിലേക്ക് കെ.എസ്.യുവിന്റെ പ്രതിഷേധ പ്രകടനവും നടന്നു. ഫോണ്വിളിയില് ഇന്ന് 12 മണിയോടെ പോലീസില് പരാതി നല്കുമെന്ന് മുകേഷ് പറഞ്ഞു.
