ലഡാക്ക്: ലഡാക്കിലെ ഡെംചോക്കില് ചൈനീസ് കടന്നുകയറ്റം. ലഡാക്കിന് മുപ്പത് കിലോമീറ്റര് തെക്ക് കിഴക്കായി ഡോളി ടാഗോയില് ജൂലൈ ആറിനായിരുന്നു കടന്നുകയറ്റം. എന്നാല് ഈ വിഷയത്തില് സൈന്യത്തിന്റെ ഭാഗത്തുനിന്നും ഔദ്യോഗിക പ്രതികരണം ഉണ്ടായിട്ടില്ല.
ദലൈ ലാമയുടെ ജന്മദിനാഘോഷത്തിന് എതിരേയാണ് ചൈനീസ് കടന്നുകയറ്റമുണ്ടായത്. അഞ്ച് വാഹനങ്ങളിലായി ചൈനീസ് സൈനികരും പൗരന്മാരും ഇന്ഡസ് നദി കടന്നെത്തി ബാനറും ചൈനീസ് പതാകയും പ്രദര്ശിപ്പിച്ചു. ഏകദേശം മുപ്പത് മിനിറ്റോളം അവര് അവിടെ ചെലവഴിച്ചു.
എല്ലാ വര്ഷവും ദലൈ ലാമയുടെ ജന്മദിനാഘോഷ സമയത്ത് ചൈനീസ് കടന്നുകയറ്റം ഉണ്ടാകാറുണ്ട്. ജന്മദിനാഘോഷങ്ങള്ക്കെതിരായ പ്രതിഷേധം എന്ന നിലയ്ക്കാണ് കടന്നുകയറ്റം.
