മുംബൈ: നീലച്ചിത്ര നിർമാണക്കേസിൽ അറസ്റ്റിലായ വ്യവസായി രാജ് കുന്ദ്ര തന്നെ ലൈംഗികമായി പീഡിപ്പിക്കാൻ ശ്രമിച്ചെന്ന് ബോളിവുഡിലെ മാദക താരം ഷെര്ലിന് ചോപ്ര. തന്നെ സ്വന്തം വീട്ടിലിട്ട് ചുംബിക്കാന് ശ്രമിച്ചെന്നും ശില്പ്പാഷെട്ടിയുമായുള്ള ബന്ധം വഷളായ സ്ഥിതിയിലാണെന്നും പറഞ്ഞു. കുന്ദ്രയെ തള്ളിമാറ്റി താന് വാഷ്റൂമില് ഓടിക്കയി രക്ഷപ്പെടുകയായിരുന്നു എന്നാണ് താരം നല്കിയിരിക്കുന്ന മൊഴി.
മഹാരാഷ്ട്ര സൈബര് സെല്ലിന് മുമ്പാകെയാണ് നടി മൊഴി നല്കിയത്. തിങ്കളാഴ്ചയാണ് മൊഴി കൊടുത്തത്. 2019 ല് ഒരു ജോലിക്കായി കുന്ദ്ര തന്റെ ബിസിനസ് മാനേജരെ വിളിച്ചിരുന്നു. 2019 മാര്ച്ച് 27 ന് ഇതുമായി ബന്ധപ്പെട്ട് ഒരു ബിസിനസ് മീറ്റിംഗും നടന്നു. അതിന് ശേഷം ഒരുദിവസം ഒരു മുന്നറിയിപ്പും കൂടാതെ രാജ് കുന്ദ്ര തന്റെ വീട്ടിലെത്തി. ഒരു ടെക്സ്റ്റ് മെസേജുമായി ബന്ധപ്പെട്ട ചില കാര്യങ്ങള് സംസാരിക്കാനായിരുന്നു വന്നത്.
ഇതിന് പിന്നാലെ തന്റെ എതിര്പ്പ് പോലും വകവെയ്ക്കാതെ കുന്ദ്ര പിടിച്ച് ചുംബിച്ചെന്നും എന്നാല് വിവാഹിതനായ ഒരാളുമായി തനിക്ക് ബന്ധത്തിന് താല്പ്പര്യം ഇല്ലായിരുന്നെന്നും ബിസിനസിനായി ശാരീരിക ബന്ധത്തിന് ഇല്ലായിരുന്നെന്നുമാണ് ഇവര് പോലീസിന് നല്കിയിരിക്കുന്ന മൊഴി. തന്റെയും ശില്പ്പാഷെട്ടിയുടെയും ബന്ധത്തില് പൊരുത്തക്കേടാണെന്നും വീട്ടില് സുഖകരമായ അന്തരീക്ഷമല്ലെന്നും കുന്ദ്ര തന്നോട് പറഞ്ഞു. എന്നാല് കുന്ദ്രയെ തള്ളിമാറ്റി താന് വാഷ്റൂമിലേക്ക് ഓടിക്കയറിയെന്നും ഭയന്നു പോയെന്നും ഷെര്ലിന് നല്കിയ മൊഴിയിലുണ്ട്.
ഷെര്ലിന്റെ പരാതിയില് രാജ്കുന്ദ്രയ്ക്കെതിരേ പോലീസ് കേസെടുത്തിട്ടുണ്ട്. നീലച്ചിത്ര നിര്മ്മാണവുമായി ബന്ധപ്പെട്ട കേസില് കുന്ദ്ര അറസ്റ്റിലായതിന് പിന്നാലെ ഒരു വീഡിയോ സ്റ്റേറ്റ്മെന്റും ഷെര്ലിന് ചോപ്ര സൈബര് പോലീസിന് കൊടുത്തിട്ടുണ്ട്. പോര്ണോഗ്രാഫിയുമായി ബന്ധപ്പെട്ട് രാജ് കുന്ദ്ര ഉള്പ്പെടെ 11 പേരാണ് കേസില് അറസ്റ്റിലായിരിക്കുന്നത്. 14 ദിവസത്തെ ജുഡീഷ്യല് കസ്റ്റഡിയിലാണ് കുന്ദ്ര ഇപ്പോള്.
കേസിൽ ശിൽപ്പ ഷെട്ടിയെ വീണ്ടും ചോദ്യം ചെയ്യുമെന്ന് സൂചനയുണ്ട്. ആദ്യ റൗണ്ട് ചോദ്യം ചെയ്യലിൽ ഹോട്ട്സ്പോട്ട് ആപ്പുമായി തനിക്ക് ബന്ധമില്ല എന്നാണ് നടി പറഞ്ഞിരുന്നത്. എന്നാൽ ആപ്പിലേത് അശ്ലീലമല്ല, രതിചോദന ഉയർത്തുന്ന ഉള്ളടക്കങ്ങളാണ് എന്നും ശിൽപ്പ മൊഴി നൽകിയിരുന്നു. വിയാൻ ഇൻഡസ്ട്രീസിൽ നിന്ന് ഇടക്കാലയളവിൽ ശിൽപ്പ രാജി വച്ചത് എന്തിനെന്നും പൊലീസ് അന്വേഷിക്കുന്നുണ്ട്.
അതിനിടെ, രാജിന്റെ ഉടമസ്ഥതയിലുള്ള വിയാൻ ഇൻഡസ്ട്രീസിന് സെക്യൂരിറ്റീസ് ആന്റ് എക്സ്ചേഞ്ച് ബോർഡ് ഓഫ് ഇന്ത്യ (സെബി) മൂന്നു ലക്ഷം രൂപ പിഴ ചുമത്തി. ചട്ടങ്ങൾ ലംഘിച്ചതിനാണ് സെബിയുടെ നടപടി. കമ്പനി ഉൾപ്പെട്ട സാമ്പത്തിക ഇടപാടുകളുടെ നിരവധി രേഖകൾ നേരത്തെ ക്രൈംബ്രാഞ്ച് കണ്ടെത്തിയിരുന്നു. കേസിൽ ജൂലൈ 19ന് അറസ്റ്റിലായ കുന്ദ്രയുടെ ജാമ്യ ഹർജി വ്യാഴാഴ്ച ബോംബെ ഹൈക്കോടതി പരിഗണിക്കുന്നുണ്ട്. മാസത്തിനിടെ മാത്രം പോൺ ആപ്പ് വഴി കുന്ദ്ര 1.17 കോടി സമ്പാദിച്ചുവെന്നാണ് പൊലീസ് കോടതിയെ അറിയിച്ചുള്ളത്.
രാജ് കുന്ദ്രയുടെയും ഭാര്യ ശിൽപ്പ ഷെട്ടിയുടെയും ഉടമസ്ഥതയിലുള്ള വീട്ടിലും ഓഫീസിലും മുംബൈ പൊലീസ് റെയ്ഡ് നടത്തിയിരുന്നു. അശ്ലീല ഉള്ളടക്കമുള്ള 48 ടെറാ ബൈറ്റ് ഹാർഡ് ഡിസ്കുകളും പിടിച്ചെടുത്തിരുന്നു. കുന്ദ്രയുടെ ആപ്പായ ഹോട്സ്പോട്ടിൽ നിന്ന് ദൃശ്യങ്ങൾ ഡിലീറ്റ് ചെയ്യാൻ ആവശ്യപ്പെട്ട നാലു ജീവനക്കാരെ കേസിൽ പൊലീസ് സാക്ഷികളാക്കിയിട്ടുണ്ട്. ഗൂഗ്ൾ പ്ലേ സ്റ്റോറിൽ നിന്നും ആപ്പ്ൾ സ്റ്റോറിൽ നിന്നും നിലവിൽ ആപ്ലിക്കേഷൻ നീക്കം ചെയ്തിട്ടുണ്ട്. എന്നാൽ പ്ലാൻ ബി എന്ന നിലയിൽ ബോളിഫെയിം എന്ന ആപ്പ് ലോഞ്ച് ചെയ്യാൻ കുന്ദ്രയ്ക്ക് പദ്ധതിയുണ്ടായിരുന്നു.
