കോതമംഗലം: ദന്തല് വിദ്യാര്ത്ഥിനിയെ യുവാവ് വെടിവെച്ചു കൊലപ്പെടുത്തി ആത്മഹത്യ ചെയ്ത സംഭവത്തില് ഇരുവരും നേരത്തേ പ്രണയത്തിലായിരുന്നെന്നും പിന്നീട് പിരിഞ്ഞതാണെന്നും റിപ്പോര്ട്ട്. പിരിഞ്ഞശേഷവും പല തവണ രാഖില് മാനസിയെ ശല്യം ചെയ്തിരുന്നതായും പോലീസ് ഇടപെടല് വരെ ഉണ്ടായിട്ടുണ്ടെന്നുമാണ് വിവരം. ഒരു മാസമായി കോതമംഗലം നെല്ലിക്കുന്നില് മാനസി താമസിക്കുന്ന കെട്ടിടത്തിനരികില് രാഖില് ഒരു മാസമായി വാടകയ്ക്ക് താമസിക്കുകയായിരുന്നു എന്നും വിവരമുണ്ട്.
വീട്ടുകാര് പറയുന്നത് പ്രകാരം ഇന്സ്റ്റാഗ്രാം വഴിയായിരുന്നു ഇരുവരും പരിചയപ്പെട്ടതെന്നാണ് മാധ്യമങ്ങള് റിപ്പോര്ട്ട് ചെയ്യുന്നത്. പിന്നീട് ഒരു വര്ഷമായുള്ള പരിചയം ഇരുവരും തമ്മില് സൗഹൃദത്തിലേക്കും നയിച്ചു. പിന്നീട് രാഹുല് പറഞ്ഞിരുന്നതെല്ലാം നുണയായിരുന്നു എന്നും തന്നെ പറഞ്ഞു പറ്റിക്കുകയായിരുന്നു എന്നും മനസ്സിലാക്കിയതോടെ മാനസി അകലുകയായിരുന്നു. എന്നാല് പിന്നീടും രാഹുല് ശല്യം ചെയ്തതോടെ ഹോം ഗാര്ഡായ പിതാവിനോട് മാനസി വിവരങ്ങള് പറയുകയും അദ്ദേഹം ഡിവൈഎസ്പിയുമായി സംസാരിക്കുകയും ചെയ്തു. ഇതിനെ തുടര്ന്ന് രാഹുലിനെയും പിതാവിനെയും വിളിച്ചു വരുത്തി പോലീസ് എല്ലാം ഒത്തുതീര്പ്പാക്കുകയും ചെയ്തു. എന്നാല് അതിന് ശേഷവും ശല്യം തുടര്ന്നതായും വീട്ടുകാരെ ഉദ്ധരിച്ച് മാധ്യമങ്ങള് പറയുന്നു.
കഴിഞ്ഞ ജൂണിലാണ് മാനസി അവസാനമായി വീട്ടില് എത്തിയത്. ഒരു മാസമായി രാഹില് കോതമംഗലം നെല്ലിമൂട്ടിലെ മാനസയുടെ താമസ സ്ഥലത്തിനടുത്ത് വാടകയ്ക്ക് താമസിക്കുകയായിരുന്നു. ഇന്ന് ഉച്ചയോടെ മാനസി താമസിക്കുന്ന കെട്ടിടത്തിലേക്ക് ഓടിക്കയറുകയായിരുന്നു. ഉച്ചഭക്ഷണം കഴിച്ചുകൊണ്ടിരുന്ന മാനസി രാഹിലിനെ കണ്ട് ഇയാള് എന്തിനാണ് ഇവിടേയ്ക്ക് വന്നത് എന്ന് ചോദിച്ചു കൊണ്ട് എഴുന്നേറ്റു. തുടര്ന്ന് രാഹില് മാനസിയെ ബലമായി പിടിച്ച് വലിച്ചുകൊണ്ട് അടുത്ത മുറിയിലേക്ക് കയറി വാതില് അടയ്ക്കുകയും തുടര്ന്ന് മാനസിയ്ക്കൊപ്പം താമസിച്ചിരുന്നവര് വാതില് തുറന്നപ്പോള് ഇരുവരും വെടിയേറ്റ് കിടക്കുന്നതും കാണുകയായിരുന്നു.
തലയ്ക്ക് നിറയൊഴിച്ച യുവാവിന്റെ തലയുടെ ഭാഗം പൂര്ണമായി ചിതറിതെറിച്ച നിലയിലായിരുന്നു. സംഭവത്തില് കോതമംഗലം പൊലീസ് കൂടുതല് വിവരങ്ങള് ശേഖരിച്ചു വരികയാണ്. രണ്ടു പേരുടെയും മൃതദേഹങ്ങള് കോതമംഗലം മാര് ബസേലിയസ് ആശുപത്രിയിലേക്ക് മാറ്റി.
