ന്യൂഡല്ഹി: സിപിഐഎം കേന്ദ്രകമ്മിറ്റിയംഗങ്ങളുടെ പ്രായപരിധി 80-തില് നിന്ന് 75 ആയി കുറയ്ക്കാന് കേന്ദ്രകമ്മിറ്റി തീരുമാനം. പ്രായംപരിധിയില് മാറ്റം വരുത്തുന്നതിലൂടെ നിലവിലുള്ള അംഗങ്ങളില് ഭൂരിപക്ഷവും പുറത്തേക്ക് പോകേണ്ടി വരും. സിപിഐഎം ജനറല് സെക്രട്ടറി സീതാറാം യെച്ചൂരി അറിയിച്ചതാണ് ഈ കാര്യം.
സംസ്ഥാന കമ്മിറ്റി അംഗങ്ങളുടെ പ്രായപരിധി 70 ആക്കണമെന്നും കേന്ദ്രകമ്മിറ്റിയില് നിര്ദേശമുണ്ടായിട്ടുണ്ട്. എന്നാല് ഇക്കാര്യത്തില് സംസ്ഥാന കമ്മിറ്റിയാണ് തീരുമാനമെടുക്കേണ്ടതെന്നും യെച്ചൂരി വ്യക്തമാക്കി. അതേസമയം, സുപ്രധാന സ്ഥാനങ്ങള് വഹിക്കുന്നവര്ക്ക് മുന്പ് ചെയ്തിട്ടുള്ളതുപോലെ ഇളവുനല്കുന്നത് പരിഗണിക്കുമെന്നും യെച്ചൂരി കൂട്ടിച്ചേര്ത്തു.
സിപിഐഎം തെരഞ്ഞെടുപ്പ് അവലോകനം പാര്ട്ടി ഭരിക്കുന്ന ഏക സംസ്ഥാനത്തെ മുഖ്യമന്ത്രിയെന്ന നിലയില് പിണറായി വിജയന് ഇളവുകള് നല്കാനാണ് സാധ്യത.
കേരള മുഖ്യമന്ത്രി പിണറായി വിജയന്റെ പ്രായം 75 നും മുകളിലാണല്ലോ എന്ന് മാധ്യമപ്രവ്രര്ത്തകര് ചൂണ്ടാക്കാട്ടിയപ്പോഴായിരുന്നു യെച്ചൂരിയുടെ മറുപടി.
