ഇറ്റാലിയൻ ഇരുചക്ര വാഹന ഭീമന്മാരായ പിയാജിയോ എപ്രിലിയ ബ്രാൻഡിൽ ആർഎസ് 660, റ്റ്യൂണോ 660 ബൈക്കുകൾ ഇന്ത്യയിൽ ലോഞ്ച് ചെയ്യും എന്ന് കഴിഞ്ഞ വർഷം അവസാനം തന്നെ വ്യക്തമാക്കിയിരുന്നു. ഇപ്പോളിതാ നീണ്ട കാത്തിരിപ്പിന് ശേഷം വാഹനം എത്തിയിരിക്കുന്നു. കമ്പനിയുടെ ഇന്ത്യ എംഡി ഡിയേഗോ ഗ്രാഫി തന്നെ ഇന്ത്യയിലെത്തിയ എപ്രിലിയ ആർഎസ് 660യുടെ ചിത്രം ഇൻസ്റ്റാഗ്രാമിൽ പോസ്റ്റ് ചെയ്തു.
ഓട്ടോക്കാർ റിപ്പോർട്ട് പ്രകാരം എപ്രിലിയ ആർഎസ് 660, റ്റ്യൂണോ 660 ബൈക്കുകളുടെ ബുക്കിങ് പിയാജിയോ ഡീലർമാർ അനൗദ്യോഗികമായി ആരംഭിച്ചു എന്ന് ചെയ്യുന്നു. എന്നാൽ, എപ്രിലിയ ആർഎസ് 660, റ്റ്യൂണോ 660 ഇരട്ടകളുടെ ഒന്നിച്ചാണോ എത്തുക അതോ ആർഎസ് 660 അവതരിപ്പിച്ച് ശേഷമാണോ റ്റ്യൂണോ 660യുടെ ലോഞ്ച് എന്നും വ്യക്തമല്ല.
പുതിയ എപ്രിലിയ ബൈക്കുകൾ 660 സിസി സൂപ്പർസ്പോർട്ട് സെഗ്മെന്റിലേക്കാണ് വില്പനക്കെത്തുന്നത്. എപ്രിലിയ ആർഎസ് 660 ഫുൾ-ഫെയേർഡ് ബൈക്ക് ആണ്. ഇരട്ട ഫുൾ എൽഇഡി ഹെഡ്ലാംപുകൾ, അഗ്രെസ്സിവ് ആയ ഫെയറിങ്, ബോഡി പാർട്സുകൾ കുറഞ്ഞ പിൻ വശം എന്നിവ RSV4 സൂപ്പർബൈക്കിന്റെ കുഞ്ഞനുജൻ ലുക്ക് ആണ് എപ്രിലിയ ആർഎസ് 660-യ്ക്ക് നൽകുന്നത്. അതെ സമയം എപ്രിലിയ റ്റ്യൂണോ 660 സെമി-ഫെയറിങ്ങുള്ള മോഡൽ ആണ്. റ്റ്യൂണോ 660യുടെ ബാക്കി സവിശേഷതകൾ എപ്രിലിയ ആർഎസ് 660-ന് സമാനമാണ്.
