കാബൂള് : അഫ്ഗാനിസ്താന് ഇനി താലിബാന് ഭരിക്കും. അധികാരം പൂര്ണമായും പിടിച്ചെടുത്തതായും രാജ്യം ഇനി ഇസ്ലാമിക് എമിറേറ്റ്സ് ഓഫ് അഫ്ഗാനിസ്താന് എന്നറിയപ്പെടുമെന്നും താലിബാന് അവകാശപ്പെട്ടു.
താലിബാൻ തീവ്രവാദികൾ അഫ്ഗാന്റെ ദേശീയ പതാക മാറ്റി താലിബാന്റെ കൊടിയുയർത്തുന്ന ദൃശ്യങ്ങളും പുറത്തുവന്നിട്ടുണ്ട്.
താലിബാന്റെ ഔദ്യോഗികപ്രഖ്യാപനം പ്രസിഡന്റിന്റെ കൊട്ടാരത്തില്നിന്ന് ഉടനുണ്ടാകും. പ്രസിഡന്റിന്റെ കൊട്ടാരത്തില് നിന്ന് താലിബാന് നേതാക്കള് മാധ്യമങ്ങളെ അഭിസംബോധന ചെയ്യുന്ന വീഡിയോ പുറത്തു വന്നിട്ടുണ്ട്.
ചുറ്റിലും ആയുധധാരികളായ താലിബാന് തീവ്രവാദികള് അണിനിരന്നു കൊണ്ട് താലിബാന് നോതാക്കള് സംസാരിക്കുന്ന വീഡിയോ അല്ജസറീയാണ് പുറത്തുവിട്ടത്.
കാബൂൾ കൈയടക്കിയതോടെ നിലവിലെ പ്രസിഡന്റ് അഷ്റഫ് ഗനി രാജ്യംവിട്ടു. താജിക്കിസ്താനിലേക്കാണ് അദ്ദേഹം രക്ഷപെട്ടതെന്നാണ് സൂചന.
