യു-ഗോ എന്നൊരു കിടിലൻ ഇലക്ട്രിക് സ്കൂട്ടറിനെ അടുത്തിടെയാണ് ഹോണ്ടയുടെ ചൈനീസ് ഉപസ്ഥാപനമായ വുയാങ് ഹോണ്ട വിപണിയിൽ എത്തിച്ചത്. ഇപ്പോൾ അതേ ശ്രേണിയിലെ രണ്ടാമത്തെ ഉൽപ്പന്നത്തെയും കൂടി അവതരിപ്പിക്കുകയാണ് കമ്പനി. ചെറിയ സിറ്റി യാത്രകൾക്കായി അണിയിച്ചൊരുക്കിയിരിക്കുന്ന ഒരു സിംഗിൾ സീറ്റ് ഇലക്ട്രിക് സ്കൂട്ടറാണ് യൂ-ബീ എന്ന് പേരിട്ടിരിക്കുന്ന പുതിയ സ്കൂട്ടർ.
പിൻ വീലുകൾ നീണ്ടുനിൽക്കുന്നത് കാണാം. യൂ-ബി യുടെ സമൂലമായ ഡിസൈൻ അംഗീകരിക്കാനും മനസിലാക്കാനും കുറച്ച് സമയമെടുത്തേക്കാം. പലചരക്ക് സാധനങ്ങൾ, ലഗേജ് മുതലായവ പോലുള്ള ഭാരമേറിയ വസ്തുക്കൾ കൊണ്ടുപോകാൻ യൂ-ബി ഒരു വലിയ ഫ്ലോർബോർഡ് ഉണ്ട്. സ്കൂട്ടറിന്റെ മൊത്തം ഭാരം കുറവാണ്. ഇത് ബാറ്ററിയിൽ നിന്ന് കൂടുതൽ റേഞ്ച് കൈവരിക്കാനും മോഡലിനെ സഹായിക്കും.
ട്രെൻഡി ഹെഡ്ലാമ്പ്, ഷാർപ്പ് ടെയിൽ ലാമ്പ്, ക്വിറ്റഡ് പാറ്റേണുള്ള കോംഫൈ, ഡ്യുവൽ-ടോൺ സാഡിൽ എന്നിവ ഒരുങ്ങുന്നു. വൈറ്റ്, ഗ്രേ, റെഡ്, ബ്ലൂ എന്നീ നാല് വ്യത്യസ്ത കളർ ഓപ്ഷനിലും യൂ-ബി തെരഞ്ഞെടുക്കാം. സ്പീഡ്, ഓഡോമീറ്റർ, മൈലേജ്, വോൾട്ടേജ്, ബാറ്ററി നില എന്നിങ്ങനെ നിരവധി വിവരങ്ങൾ പ്രദർശിപ്പിക്കുന്ന സ്റ്റൈലിഷ് ഡിജിറ്റൽ ഇൻസ്ട്രുമെന്റ് കൺസോളും ഈ ഇലക്ട്രിക് സ്കൂട്ടറിൽ നൽകി. മൂന്ന് ബാറ്ററി പായ്ക്ക് ഓപ്ഷനുകളിൽ സ്കൂട്ടർ എത്തുന്നു. 48V-15Ah, 48V-20Ah, 48V-24Ah എന്നിവയാണ് വുയാങ് ഹോണ്ട വാഗ്ദാനം ചെയ്യുന്നത്.
