പുതിയ മോഡലായ ആസ്റ്ററില് പേഴ്സണല് ആര്ട്ടിഫിഷല് ഇന്റലിജെന്സ് അസിസ്റ്റന്റ് സംവിധാനം അവതരിപ്പിച്ചിരിക്കുകയാണ് എം.ജി. മോട്ടോഴ്സ്. ഇന്ത്യൻ വാഹന വിപണിയിൽ ഇത് തികച്ചും പുതുമയാണ്. തനിച്ച് വാഹനം ഓടിക്കുമ്പോൾ അല്പ്പം സംസാരിക്കാനും തമാശകള് പറയാനും വഴി പറഞ്ഞുതരാനും പുതിയ സംവിധാനം സഹായിക്കും. വാഹനത്തിനുള്ളില് ഒരു റോബോട്ട് ഉള്ളതിന് സമാനമാണെന്ന് ഇത്.
വാഹനത്തിൽ പേഴ്സണല് അസിസ്റ്റന്സ് സംവിധാനം ഒരുക്കുന്ന ഇന്ത്യയിലെ ആദ്യ വാഹന നിര്മാതാക്കള് എന്ന ഖ്യാതി ഇനി എം.ജി. മോട്ടോഴ്സിന് സ്വന്തമാണ്. കൂടാതെ, ആസ്റ്റര് എത്തുന്ന മിഡ്-സൈസ് എസ്.യു.വി. ശ്രേണിയില് ആദ്യമായി ഓട്ടോണമസ് ലെവല് 2 സാങ്കേതികവിദ്യയും ഇതില് ഒരുങ്ങുന്നുണ്ട്. ഓട്ടോണമസ് ലെവല് ടു സംവിധാനം അപകടമുണ്ടാകാതെ വാഹനം തന്നെ മുന് കരുതല് സ്വീകരിക്കുന്നതിന് സഹായിക്കും.
ഇതിന്റെ ഭാഗമായി അഡ്വാന്സ്ഡ് ഡ്രൈവര് അസിസ്റ്റന്സ് സിസ്റ്റം, ഫോര്വേഡ് കൊളീഷന് വാണിങ്ങ്, അഡാപ്റ്റീവ് ക്രൂയിസ് കണ്ട്രോള്, ഓട്ടോമാറ്റിക് എമര്ജന്സി ബ്രേക്കിങ്ങ്, ലെയ്ല് കീപ്പിങ്ങ് അസിസ്റ്റന്സ്, ലെയ്ന് ഡിപാര്ച്ചര് വാണിങ്ങ്, ഇന്റലിജെന്റ് ഹെഡ്ലാമ്പ് കണ്ട്രോള്, റിയര് ഡ്രൈവര് അസിസ്റ്റ്, ലെയ്ന് ഡിപ്പാര്ച്ചര് പ്രിവെന്ഷന്, സ്പീഡ് അസിസ്റ്റ് സിസ്റ്റം തുടങ്ങി നിരവധി സുരക്ഷ സംവിധാനങ്ങളാണ് എം.ജി. മോട്ടോഴ്സ് ആസ്റ്ററില് നൽകുന്നത്. 1.5 ലിറ്റര് നാല് സിലിണ്ടര് നാച്വറലി ആസ്പിരേറ്റഡ് പെട്രോള്, 1.3 ലിറ്റര് ടര്ബോ പെട്രോള് എന്ജിനുകളായിരിക്കും ആസ്റ്ററിന്റെ കരുത്ത്.
