മമ്മൂട്ടിക്കും മോഹൻലാലിനും പിന്നാലെ നടൻ ടൊവിനോ തോമസിനും യു.എ.ഇയുടെ ഗോൾഡൻ വിസ ലഭിച്ചു

ദുബൈ: ചലച്ചിത്ര നടന്മാരായ മമ്മൂട്ടിക്കും മോഹൻലാലിനും പിന്നാലെ നടൻ ടൊവിനോ തോമസിന്​ യു.എ.ഇയുടെ പത്ത്​ വർഷത്തെ ഗോൾഡൻ വിസ ലഭിച്ചു.

കലാ രംഗത്തെ സംഭാവനകൾ പരിഗണിച്ചാണ്​ ടോവിനോക്ക്​ ഗോൾഡൻ വിസ അനുവദിച്ചത്​. ​കഴിഞ്ഞ ദിവസം വിസ സ്വീകരിക്കാൻ ടൊവിനോ ദുബൈയിൽ എത്തുകയും ഇന്ന് വിസ സ്വീകരിക്കുകയും ചെയ്​തു.

വിവിധ സിനിമകളുടെ ഭാഗമായി ടൊവീനോ നേരത്തേയും ദുബൈയിൽ എത്തിയിട്ടുണ്ട്. കഴിഞ്ഞ വർഷം "ഫോറൻസിക് " സിനിമയുടെ പ്രൊമോഷ​െൻറ ഭാഗമായി ദുബൈയിലേക്ക്​ തിരിക്കാനിരിക്കവെയാണ്​ യാത്രാ വിലക്ക്​ വന്നത്​. ഇതിന്​ ശേഷം ആദ്യമായാണ്​ താരം ദുബൈയിൽ എത്തുന്നത്​.

ഗോൾഡൻ വിസ ലഭിച്ചതിൽ അതിയായ സന്തോഷമുണ്ടെന്ന് താരം ഇൻസ്റ്റാഗ്രാമിൽ പങ്കുവെച്ചു. യു.എ.ഇയുടെ പതാക പതിച്ച തൊപ്പി അണിഞ്ഞ ചിത്രം ടൊവിനോ സാമൂഹിക മാധ്യമങ്ങളിൽ പോസ്​റ്റ്​ ചെയ്​തിട്ടുണ്ട്​. ലക്ഷക്കണക്കിന് ആരാധകരാണ് നിമിഷങ്ങൾക്കുള്ളിൽ താരത്തിന്റെ സോഷ്യൽ മീഡിയയിലെ പോസ്റ്റ് ഏറ്റെടുത്തത്.