കോട്ടയം: കെഎസ്ആര്ടിസി ബസ് സ്റ്റാന്റില് മദ്യവില്പ്പന കേന്ദ്രങ്ങള് ആരംഭിക്കാനുള്ള നീക്കത്തിനെതിരേ കെസിബിസി മദ്യവിരുദ്ധസമിതി. മദ്യത്തിന്റെ ഉപഭോഗം കുറയ്ക്കാനുള്ള നീക്കം ഒരു ഭാഗത്ത് നടക്കുമ്പോള് മദ്യവിതരണം സുഗമമാക്കാനുള്ള നീക്കം സര്ക്കാരിന്റെ ഭാഗത്തുനിന്ന് ഉണ്ടാവുന്നത് ശരിയല്ല. യാത്രക്കാരായ സ്ത്രീകള്ക്കും കുട്ടികള്ക്കും ഈ തീരുമാനം ഭീഷണിയാണന്നും കെസിബിസി മദ്യവിരുദ്ധ സമിതി പ്രസിഡന്റ് പ്രസാദ് കുരുവിള പറഞ്ഞു.
മദ്യക്കടകള് തുടങ്ങാമെന്നത് മന്ത്രി ആന്റണി രാജുവിന്റെ വ്യാമോഹമാണെന്ന് മന്ത്രിയുടെ നീക്കം കണ്ടാല് ചങ്ങലയ്ക്ക് ഭ്രാന്ത് പിടിച്ചോ എന്ന് തോന്നും. നീക്കത്തെ ചെറുത്ത് തോല്പ്പിക്കുമെന്നും കെസിബിസി പ്രസ്താവനയില് പറഞ്ഞു.
