തിരുവനന്തപുരം: പൂജപ്പുര സെന്‍ട്രല്‍ ജയിലില്‍ നിന്ന് കൊലക്കേസ് പ്രതി രക്ഷപ്പെട്ടു. കൊലക്കേസില്‍ ജീവപര്യന്തം തടവിന് ശിക്ഷിക്കപ്പെട്ട തൂത്തുക്കുടി സ്വദേശി ജാഹിര്‍ ഹുസൈന്‍ ആണ് രക്ഷപ്പെട്ടത്. ജോലിക്കായി സെല്ലിന് പുറത്തിറക്കിയ ശേഷം ഇയാളെ കാണാതാവുകയായിരുന്നു. പോലീസും ജയില്‍ വകുപ്പ് ഉദ്യോഗസ്ഥരും തിരച്ചില്‍ നടത്തുന്നുണ്ട്.
ജയിലില്‍ അലക്കുേജാലി ചെയ്തിരുന്ന ഇയാള്‍ ജോലിക്കായി പുറത്തിറങ്ങിയപ്പോഴാണ് രക്ഷപ്പെട്ടത്. കയ്യില്‍ ഒരു കവറില്‍ ഇയാള്‍ വസ്ത്രങ്ങളും കരുതിയിരുന്നുവെന്ന് സൂചനയുണ്ട്. ബസില്‍ കയറി കളിയിക്കാവിള ഭാഗത്തേക്ക് പോയതായാണ് സൂചന.
2004ല്‍ ഫോര്‍ട്ട് പോലീസ് സ്‌റ്റേഷനില്‍ രജിസ്റ്റര്‍ ചെയ്ത കൊലക്കേസിലെ പ്രതിയാണ് ഇയാള്‍. മൊയ്തീന്‍ എന്നയാളെ കൊലപ്പെടുത്തി ആഭരണങ്ങള്‍ മോഷ്ടിച്ച കേസിലെ പ്രതിയാണ് ഇയാള്‍.
Comments