ജർമൻ പ്രീമിയം ഇരുചക്ര വാഹന നിർമ്മാതാക്കളായ ബിഎംഡബ്ള്യു മോട്ടോറാഡ് തങ്ങളുടെ ഏറ്റവും വിലക്കുറവുള്ള ബൈക്കായ G 310 Rന്റെ പരിഷ്കരിച്ച പതിപ്പ് വില്പനക്കെത്തിച്ചു. സ്റ്റൈൽ പാഷൻ എന്ന് പേരിട്ടിരിക്കുന്ന നിറമാണ് 2022 ബിഎംഡബ്ള്യു G 310 R എന്ന് പേരിട്ടിരിക്കുന്ന പുത്തൻ മോഡലിന്റെ പ്രധാന ആകർഷണം. ചുവപ്പ് നിറത്തിലുള്ള അലോയ് വീലുകൾ, വെളുപ്പ് നിറത്തിന്റെ പശ്ചാത്തലത്തിൽ നീലയും ചുവപ്പും നിറത്തിലുള്ള ഗ്രാഫിക്സ് ചേർന്നതാണ് സ്റ്റൈൽ പാഷൻ. പെട്രോൾ ടാങ്ക്, ഹെഡ്ലാംപ് കൗൾ, റിയർ പാനൽ എന്നിവിടങ്ങളിലെല്ലാം ഇത്തരം ഗ്രാഫിക്സുകൾ ഉണ്ട്.
മാത്രമല്ല, കറുപ്പ് നിറത്തിലുള്ള ലാംപ് മാസ്കും, പുതിയ പ്ലാക്ക് കരിയറും അടങ്ങിയ കോസ്മിക് ബ്ലാക്ക് 2 നിറത്തിലും പുത്തൻ ബിഎംഡബ്ള്യു G 310 R സ്വന്തമാക്കാം. റിപ്പോർട്ട് പ്രകാരം പുത്തൻ നിറങ്ങളുടെ വരവോടെ ഇപ്പോൾ ലഭ്യമായ നിറങ്ങളിൽ പോളാർ വൈറ്റ് ഇനി ലഭ്യമല്ല. 2022 പതിപ്പിന്റെയും വില മാറ്റമില്ലാതെ 2.60 ലക്ഷമായി (എക്സ്-ഷോറൂം) തുടരുന്നു.
9,500 ആർപിഎമ്മിൽ 34 ബിഎച്ച്പി പവറും, 7,500 ആർപിഎമ്മിൽ 28 എൻഎം ടോർക്കുമേകുന്ന ബി എസ് 6 മലിനീരണ നിയന്ത്രണ മാനദണ്ഡങ്ങൾ പാലിക്കുന്ന പരിഷ്കരിച്ച 313 സിസി സിംഗിൾ-സിലിണ്ടർ എൻജിൻ ആണ് G 310 Rൽ നിർമ്മിക്കുന്നത്. മണിക്കൂറിൽ 143 കിലോമീറ്റർ വേഗതയിൽ G 310 Rന് ആക്സിലറേറ്റ് ചെയ്യാൻ ചെയ്യാൻ സാധിക്കും. ആന്റി-ഹോപ്പിങ് ക്ലച്ച്, നാല് രീതിയിൽ ക്രമീകരിക്കാവുന്ന ക്ലച്ച്, ഇലക്ട്രോണിക് ത്രോട്ടിൽ ഗ്രിപ്, ബ്രെയ്ക്ക് ലിവറുകളാണ് ബിഎംഡബ്ള്യു G 310 Rന്റെ മറ്റുള്ള ആകർഷണങ്ങൾ.
