നോയ്ഡ: വൃന്ദാവനം - മഥുര പ്രദേശത്ത് 10 കിലോമീറ്ററിനുള്ളില് മദ്യവും മാംസവും വില്പ്പന നിരോധിച്ച് ഉത്തര്പ്രദേശ് സര്ക്കാര്. ഈ മേഖലയിലെ ഗണേശ ചതുര്ത്ഥി ആഘോഷം മുന്നിര്ത്തി ഉത്തര്പ്രദേശ് സര്ക്കാര് ഇന്നാണ് തീരുമാനം എടുത്തത്.
കൃഷ്ണന്റെ ജന്മദേശമായ മഥുര - വൃന്ദാവന് 10 കിലോമീറ്റര് യുപി സര്ക്കാര് തീര്ത്ഥാടന കേന്ദ്രമാക്കി പ്രഖ്യാപിച്ചിരിക്കുകയാണ്. ഈ മേഖലയില് 22 നഗര് നിഗം വാര്ഡുകളുണ്ട്. പ്രഖ്യാപനം നടത്തി ഒരാഴ്ചയ്ക്കുള്ളില് യുപി സര്ക്കാര് മദ്യവും മാസവും മഥുരയില് നിരോധിച്ചു.
ഇക്കാര്യത്തില് ശ്രദ്ധ പുലര്ത്താന് ഉദ്യോഗസ്ഥര്ക്ക് നിര്ദേശവും നല്കി. ഇവിടെ മദ്യവും മാംസവും വിറ്റിരുന്നവര് ഇനി മുതല് ഇവിടെ പാല് വില്പ്പന നടത്തി നഗരത്തിന്റെ പെരുമ അതേപടി നിര്ത്താനും നിര്ദേശിച്ചിരിക്കുകയാണ്. കഴിഞ്ഞമാസം യോഗി ആദിത്യനാഥ് നഗരം സന്ദര്ശിച്ച് കൃഷ്ണ ഭഗവാന് രാജ്യത്തെ കോവിഡിനെ ഇല്ലാതാക്കുമെന്ന് വ്യക്തമാക്കിയിരുന്നു.
