ന്യൂയോര്ക്ക്: യുഎസ് ഓപ്പണ് ഫൈനലിലെ തോല്വിയോടെ കലണ്ടര് സ്ലാം വീണുടഞ്ഞപ്പോള് കണ്ണീരണിഞ്ഞ് ലോക ഒന്നാം നമ്പര് താരം നൊവാക് ജോക്കോവിച്ച്. റഷ്യയുടെ ലോക രണ്ടാം നമ്പര് താരം ഡാനില് മെദ്വദേവിന് മുന്നിലാണ് ജോക്കോവിച്ച് അടിയറവ് പറഞ്ഞത്.
1969 നു ശേഷമുള്ള ആദ്യ കലണ്ടര് സ്ലാം നേട്ടമാണ് ആര്തര് ആഷെ സ്റ്റേഡിയത്തില് ജോക്കോവിച്ച് കൈവിട്ടത്. ആശ്വാസം..എല്ലാം കഴിഞ്ഞല്ലോ എന്നായിരുന്നു ജോക്കോയുടെ ആദ്യ പ്രതികരണം. അമിത സമ്മര്ദ്ദം പ്രകടനത്തെ ബാധിച്ചുവെന്നും പല കാര്യങ്ങളും താങ്ങാവുന്നതിനലും അപ്പുറമായിരുന്നുവെന്നും ജോക്കോ മത്സരശേഷം പറഞ്ഞു. നിര്ണായക ഘട്ടത്തില് പിന്തുണ നല്കിയ ആരാധകര്ക്ക് നന്ദിയും പറഞ്ഞു.
MOOD 😞 #USOpen #Novak #Djokovic #Medvedev #usopenespn pic.twitter.com/3BlHfktqvb
— Freaknoise! (@Freaknoisemusic) September 12, 2021
പിന്നാലെയാണ് റെക്കോര്ഡ് നഷ്ടമാക്കിയതിന് സമ്മാനദാന ചടങ്ങില്വെച്ച് ജോക്കോവിച്ചിനോട് മെദ്വദേവ് മാപ്പ് പറഞ്ഞത്. ജോക്കോ ലക്ഷ്യമിട്ടിരുന്നത് എന്താണെന്ന് എല്ലാവര്ക്കും അറിയാം. ജോക്കോയ്ക്കും ആരാധകര്ക്കും മാപ്പ്. കരിയറില് സ്വന്തമാക്കിയ നേട്ടങ്ങള് എടുത്തു നോക്കിയാല് ചരിത്രത്തിലെ ഏറ്റവും മികച്ച താരം താങ്കളാണെന്ന് ഞാന് പറയും.് മെദ്വദേവ് പറഞ്ഞു.
