തിരുവനന്തപുരം: നാര്ക്കോട്ടിക്ക് ജിഹാദ് ഉന്നയിച്ച് പാലാ ബിഷപ്പിന്റെ പ്രസംഗം വിവാദമായതോടെ അനുകൂലിച്ചും പ്രതികൂലിച്ചും നിരവധി ആളുകള് രംഗത്ത് വന്നിരുന്നു. അത് രാഷ്ട്രീയമായി ചര്ച്ച ചെയ്യപ്പെട്ടു. ഇതിനു പിന്നാലെ പരിഹാസരൂപേണ അഭിപ്രായപ്രകടനം നടത്തി രംഗത്ത് വരികയാണ് സ്വാമി സന്ദിപാനന്ദഗിരി. ഫെയ്സ്ബുക്ക് കുറിപ്പിലൂടെയാണ് അദ്ദേഹം പരിഹസിച്ച് കുറിപ്പിട്ടിരിക്കുന്നത്.
മയക്കു മരുന്നും കഞ്ചാവും ഉപയോഗിക്കുന്നവര് കഴിവതും സ്വന്തം മതത്തില്പെട്ടവരില് നിന്ന് തന്നെ വാങ്ങി ഉപയോഗിക്കേണ്ടതാണ്. മറ്റ് മതക്കാരുടെ കയ്യീന്ന് വാങ്ങിച്ചു വെറുതെ വര്ഗീയ പ്രശ്നം ഉണ്ടാക്കരുത് എന്നാണ് പരിഹാസത്തില് അദ്ദേഹം കുറിച്ചിരിക്കുന്നത്.
