മലയാളികളുടെ എക്കാലത്തെയും പ്രിയപ്പെട്ട നടിയാണ് മാതു. 1977 ല് പുറത്തിറങ്ങിയ കന്നഡ സിനിമയായ 'സനാദി അപ്പന' യിലൂടെ ബാലതാരമായി ആണ് മാതു സിനിമയിലേക്ക് എത്തിയത്. പിന്നീട് അനേകം മലയാള സിനിമയിലൂടെ തന്റേതായ അഭിനയ മികവ് കാഴ്ചവെച്ച നടി തന്നെയാണ് മാതു. കന്നഡയിലും തമിഴിലും അഭിനയിച്ചതിന് ശേഷമാണ് മാതു മലയാളത്തലലേക്ക് വന്നത്. പിന്നീട് ഏറ്റവും കൂടുതല് സിനിമ ലഭിച്ചതും മലയാളത്തിലായിരുന്നു. തുടര്ന്നങ്ങ് മലയാളത്തില് സജ്ജീവമാകുകയായിരുന്നു.
1991 ല് മമ്മൂട്ടിയെ കേന്ദ്രകഥാപാത്രമാക്കി എടുത്ത സിനിമയായിരുന്നു 'അമരം'. പ്രേക്ഷക മനസ്സിനെ ദുഃഖത്തില് ആഴ്ത്തിയ ഈ സിനിമയില് മമ്മൂട്ടിയുടെ മകള് 'മുത്ത്' ആയി ആണ് മാതു പ്രേതൃക്ഷപ്പെട്ടിരിക്കുന്നത്. മാതുവിന് ഏറ്റവും കൂടുതല് ആരാധകരെ ലഭിച്ചതും ഈ സിനിമയിലൂടെയാണ്. 60 ല് പരം ചലച്ചിത്രങ്ങളില് മാതു അഭിനയിച്ചിട്ടുണ്ട്. പൊതുവെ വിവാഹ ശേഷം എല്ലാ സിനിമാ നടിമാരും ചലച്ചിത്രലോകത്തു നിന്ന് മാറിനില്ക്കുന്നതുപോലെ മാതുവും ഏറെ കാലം മാറിനില്ക്കുകയായിരുന്നു.
2000 ല് അഭിനയ ലോകത്തു നിന്നു മാറി നിന്ന നടി പിന്നീട് പതിനെട്ട് വര്ഷങ്ങള്ക്ക് ശേഷം വീണ്ടും ഉപ്പുകണ്ടം ബ്രദേഴ്സ്, ബാക്ക് ഇന് ആക്ഷന് സിനിമകളില് അഥിതി വേഷത്തില് എത്തിയിരുന്നു. പിന്നീട് നീണ്ട ഇടവേളക്ക് ശേഷം 2019 ല് അനിയന് കുഞ്ഞും തന്നാലായത് എന്ന സിനിമയിലൂടെ വീണ്ടും മലയാളത്തിലേക്ക് എത്തുന്നത്.
അന്ന് സിനിമാ ജീവിതത്തെ പറ്റിയും കുടുംബജീവിതത്തെ പറ്റിയും മാതു പറഞ്ഞ വാക്കുകള് വീണ്ടും സോഷ്യല് മീഡിയ പേജുകളിലൂടെ വൈറലാകുകയാണ്. ''ഭര്ത്താവും മക്കളുമാണ് തനിക്ക് കൂടുതല് പിന്തുണ നല്കുന്നത് ഹോളിവുഡില് അഭിനയിക്കുന്നതാണ് അവരുടെ ആഗ്രഹവും. മലയാളത്തില് ഒരുപാട് താരങ്ങള്ക്ക് ഒപ്പം അഭിനയിച്ചിട്ടുണ്ടെങ്കിലും സുരേഷ് ഗോപിയാണ് തനിക്ക് കംഫര്ട്ടായി തോന്നിയിട്ടുളളത്. താന് അഭിനയിച്ചിയിച്ചിട്ടുളളതില് 'അമരം' ആണ് ഏറ്റവും ഇഷ്ടമുളള സിനിമ എന്നും മാതു പറഞ്ഞു. ഏത് സിനിമയി്ല് അഭിനയിച്ചാലും ഏറ്റവും കൂടുതല് അഭിപ്രായം പറയുന്നത് മാതുവിന്റെ അമ്മയാണ്.
ഒരുവിധം എല്ലാ നായകന്മാരുടെ കൂടെ അഭിനയിച്ചിട്ടുണ്ടെങ്കിലും പുതിയ ആള്ക്കാരില് ദുല്ഖര് സല്മാന്റെ കൂടെയും നിവിന് പോളിയുടെ കൂടെയുമാണ് അഭിനയിക്കാനാണ് മാതുവിന് ഇഷ്ടം. എന്നാല് ഹോളിവുഡിലും ബോളിവുഡിലും ഒക്കെ അഭിനയിക്കാനാണ് തനിക്ക് ഇഷ്ടമെന്നും 'അമരം' സിനിമയുടെ റീമേക്കിന് വേണ്ടി ബോളിവുഡിലേക്ക് ക്ഷണിച്ചിരുന്നു പക്ഷേ ആ പ്രേജക്ട് എന്ത് സംഭവിച്ചു എന്ന് തനിക്കറിയില്ല എന്നും നടി പറഞ്ഞു. അഭിനയ കാലഘട്ടം ഒരുപാട് വിവാഹാലോചനകള് വന്നിരുന്നു എന്നും മാതു കൂട്ടിച്ചേര്ത്തു.
പഴയ സിനിമകളില് മലയാളികള്ക്ക് ഏറ്റവും ഇഷ്ടമുളള നടി 'മാതു' ആണ്. സോഷ്യല് മീഡിയിലൂടെ പറഞ്ഞ ഈ വാക്കുാള് നിരവധി ആരാധകര് ഏറ്റെടുക്കുകയും ധാരാളം കമന്റുകളുമായി എത്തുകയും ചെയ്തു..
