ഭുജ്: പാകിസ്ഥാനുവേണ്ടി ചാരപ്രവര്ത്തനം നടത്തിയ ബിഎസ്എഫ് ജവാൻ അറസ്റ്റിൽ.
ഭുജ് ബറ്റാലിയനില് ജോലി ചെയ്യുന്ന മുഹമ്മദ് സജ്ജാദിനെയാണ് ഗുജറാത്ത് തീവ്രവാദ വിരുദ്ധ സ്ക്വാഡ് അറസ്റ്റ് ചെയ്തത്. ഇയാളില് നിന്ന് രണ്ട് മൊബൈല് ഫോണ്, സിം കാര്ഡുകള് എന്നിവയും പിടിച്ചെടുത്തു.
പാകിസ്ഥാന് വേണ്ടി ചാരപ്രവര്ത്തനം നടത്തി രഹസ്യവിവരങ്ങള് വാട്സ് ആപ് വഴി കൈമാറിയതിനാണ് ഇയാളെ അറസ്റ്റ് ചെയ്തതെന്ന് ഗുജറാത്ത് എടിഎസ് വ്യക്തമാക്കി.
ഭുജിലെ ബിഎസ്എഫ് ആസ്ഥാനത്തുവെച്ചായിരുന്നു അറസ്റ്റ്.
ചാരപ്രവര്ത്തനത്തിന് ലഭിച്ചിരുന്ന പ്രതിഫലം സഹോദരന് വാജിദിന്റെയും സുഹൃത്ത് ഇഖ്ബാലിന്റെയും അക്കൗണ്ടുകളിലേക്കായിരുന്നു എത്തിയത്.
2021 ജൂലൈയിലാണ് ഇയാളെ ഭുജ് 74 ബിഎസ്എഫ് ബറ്റാലിയനില് വിന്യസിച്ചത്. 2012ലാണ് ഇയാള് ബിഎസ്എഫില് ചേര്ന്നത്.
