മലയാളത്തിലെ പ്രമുഖ സംവിധായകരുടെ അസ്സോസിയേറ്റും നിരവധി സിനിമകളുടെ സംവിധായകനുമാണ് വേണു.ബി.നായര്. പ്രമുഖരായ പല താരങ്ങളോടൊപ്പം പ്രവര്ത്തിച്ച് പരിചയമുള്ള സംവിധായകന് കൂടിയാണ് ഇദ്ദേഹം. പ്രമുഖ മാധ്യമത്തിന് നല്കിയ അഭിമുഖത്തിലായിരുന്നു വേണു തന്റെ അനുഭവങ്ങള് പങ്കുവെച്ചത്. സോമന്, സുകുമാരന്, മോഹന്ലാല്, മമ്മൂട്ടി, പ്രേംനസീര് എന്നിവരെ കുറിച്ചൊക്കെയാണ് ഇദ്ദേഹം വെളിപ്പെടുത്തിയത്.
താന് കണ്ടിട്ടുള്ള നടന്മാരില് ഒന്നിലും പരാതി പറയാതെ എല്ലാത്തിലും സന്തോഷം കണ്ടെത്തുന്ന നടന്മാര് പ്രേംനസീറും, മോഹന്ലാലുമാണെന്നും വേണു പറയുന്നു. ഭക്ഷണം എത്ര മോശമായാലും മോഹന്ലാല് പരാതി പറയാതെയാണ് കഴിക്കാറെന്നും ഏറ്റവും കൂടുതല് ക്ഷമ എല്ലാ വിഷയങ്ങളിലും കാണിക്കുന്നത് മോഹന്ലാലാണെന്നും വേണു പറയുന്നു. മമ്മൂട്ടിയെന്ന നടന് ഒരു ഒഴുക്കിലാണ് അഭിനയിക്കുന്നതെന്നും അദ്ദേഹത്തിന് ആരും ഒന്നും പറഞ്ഞു കൊടുക്കേണ്ടി വരാറില്ലെന്നും വേണു പറയുന്നു.
''ചിലപ്പോള് ദേഷ്യം വന്നാല് സോമന് ചേട്ടന് വിഗ് പോലും വലിച്ചെറിഞ്ഞ് പോകാറുണ്ട്. സുകുമാരന് ചേട്ടന് ഡയലോഗുകള് പറയുന്നത് പതുക്കെയാണ്. അപ്പോള് പ്രോമിറ്റ് ചെയ്ത് നല്കുന്ന അസോസിയേറ്റിന് എന്താണ് ഇനി പറഞ്ഞുകൊടുക്കേണ്ടതെന്ന് മനസിലാകാതെ വരും. അപ്പോള് അദ്ദേഹം ദേഷ്യപ്പെടുന്ന അവസ്ഥയുണ്ടാകാറുണ്ട്. ക്ലാപ്പടിക്കാന് ചെല്ലുമ്പോഴും ചിലപ്പോള് അസോസിയേറ്റിന് ചീത്ത കേള്ക്കാറുണ്ട്. പക്ഷെ ഇത്തരം സംഭവങ്ങള് നടന്നാലും ആരും കാര്യമായി എടുക്കാറില്ല. എല്ലാവര്ക്കും ഒരു പോസറ്റീവ് മൈന്റായിരിക്കും'' - വേണു പറയുന്നു.
‘‘തിലകന് അഭിനയിക്കുമ്പോള് അതിശയിച്ച് നിന്ന് പോകാറുണ്ടെന്നും പല ഭാവങ്ങളില് അദ്ദേഹം ഒരു സീന് അഭിനയിച്ച് കാണിക്കുമെന്നും ശേഷം എഡിറ്റിങ് ടേബിളിലേക്ക് ആ ദൃശ്യങ്ങള് എത്തുമ്പോള് ഏതാണ് മികച്ചത് എന്ന് കണ്ടുപിടിക്കാന് ബുദ്ധിമുട്ട് ഉണ്ടാകാറുണ്ടെന്നും വേണു പറയുന്നു’’.
