ഇന്ത്യയില് ഒരുപാട് ആരാധകരുള്ള ടെലിവിഷന് പരിപാടിയാണ് കോന് ബനേഗ ക്രോര്പതി. അതിന്റെ അവതാരകനായ ബിഗ് ബി അമിതാഭ് ബച്ചനും ആരാധകര് ഏറെയാണ്. കെ.ബി.സി ആയിരം എപ്പിസോഡുകള് പിന്നിടുമ്പോള് അതിഥിയായി എത്തിയത് ബച്ചന്റെ മകൾ ശ്വേത ബച്ചനും ചെറുമകൾ നവ്യ നവേലി നന്ദയുമാണ്. എപ്പിസോഡിന്റെ പ്രൊമോയില് ഇവര് തങ്ങളുടെ അമ്മയെ, ജയാ ബച്ചനെ വീഡിയോ കോണ്ഫറസിങ് വഴി വിളിക്കുന്നത് കാണാം.
അമിതാഭ് ബച്ചനെ ജയ നിർത്തിപ്പൊരിക്കുന്ന കാഴ്ചയാണ് ഈ വീഡിയോയിലുള്ളത്. ബച്ചനെക്കുറിച്ച് തനിക്കുള്ള പരാതികളും അഭിപ്രായങ്ങളും ഈ വീഡിയോയിൽ ജയ ബച്ചൻ രസകരമായി പറയുന്നു. ബച്ചൻ തന്റെ കോളുകളൊന്നും എടുക്കുന്നില്ല എന്നാണ് ജയ ബച്ചൻ പറയുന്ന ഒരു പരാതി. അതിന് മറുപടി പറയുന്ന ബച്ചനാണെങ്കിൽ ഇന്റർനെറ്റിന്റെ പ്രശ്നങ്ങളാണ് അതിനൊക്കെ കാരണമെന്ന് പറയുകയും ചെയ്യുന്നതായി വീഡിയോയിൽ കാണാം.
“നിങ്ങൾ അദ്ദേഹത്തെ വിളിച്ചു നോക്കൂ, ഒരിക്കലും ഫോണ് എടുക്കില്ല,” എന്നാണ് ബച്ചനെക്കുറിച്ച് ജയ ബച്ചൻ പറയുന്നത്. “ഇന്റർനെറ്റ് നേരാംവണ്ണം കിട്ടിയില്ലെങ്കിൽ ഞാൻ എന്തുചെയ്യും,” എന്നാണ് ബച്ചൻ തിരിച്ച് ചോദിക്കുന്നത്.
എന്നാൽ ബച്ചന്റെ ഈ മറുപടി കേട്ടപ്പോൾ ജയ ബച്ചനെ പിന്തുണയ്ക്കാനെത്തിയത് ശ്വേത ബച്ചനായിരുന്നു. നെറ്റ് നേരാംവണ്ണം കിട്ടിയില്ലെങ്കിലും ബച്ചൻ സോഷ്യൽ മീഡിയയിൽ പടം ഇടുന്നുണ്ടെന്നും ട്വീറ്റ് ചെയ്യുന്നുണ്ടെന്നുമാണ് ശ്വേത പറഞ്ഞത്.
ഇതിന് പിറകെ കൊച്ചുമകൾ നവ്യ നവേലിയും ബച്ചനോട് ഒരു ചോദ്യം ചോദിച്ചു. ‘‘പാർലറിൽ നിന്ന് ഞങ്ങള് മടങ്ങിയെത്തുമ്പോൾ, നാനി ജയ ബച്ചനോട് സുന്ദരിയാണെന്ന് പറയുന്നത്, ശരിക്കും സത്യമാണോ പറയുന്നത്?” എന്നാണ് കൊച്ചുമകൾ ചോദിച്ചത്. “ജയ, നീ സുന്ദരിയാണ്,” എന്നാണ് ബച്ചൻ ഇതിന് മറുപടി നൽകിയത്. ആ മറുപടി കേട്ട ജയ പറയുന്നത്. നിങ്ങൾ കള്ളം പറയുമ്പോൾ നിങ്ങൾക്ക് ഭംഗിയില്ല” എന്നുമാണ്.
എപ്പിസോഡിന്റെ പ്രൊമോയ്ക്ക് തന്നെ വന് വരവേല്പ്പാണ് കിട്ടിയിരിക്കുന്നത്. ഞായറാഴ്ചയാണ് ഈ എപ്പിസോഡ് പ്രേക്ഷകര്ക്ക് മുന്നിലെത്തുന്നത്.
