പ്രേഷകരുടെ പ്രിയപ്പെട്ട നടനാണ് കുഞ്ചാക്കോ ബോബൻ. സോഷ്യൽ മീഡിയയിൽ വളരെ സജീവമായ താരം തന്റെ എല്ലാ വിശേഷങ്ങളും പങ്കുവെയ്ക്കാറുണ്ട്. കഴിഞ്ഞ ദിവസമാണ് കുഞ്ചാക്കോ ബോബന് മുഖ്യ വേഷത്തിലെത്തിയ ‘ഭീമന്റെ വഴി ’ തിയേറ്ററിലെത്തിയത്. മികച്ച പ്രതികരണമാണ് സിനിമയ്ക്ക് കിട്ടിക്കൊണ്ടിരിക്കുന്നത്. ഇപ്പോഴിതാ സിനിമയുമായി ബന്ധപ്പെട്ട് ഒരു രസകരമായ വീഡിയോ ഷെയര് ചെയ്തിരിക്കുകയാണ് ചാക്കോച്ചന്. ഈ വീഡിയോ പക്ഷേ ഭിമന്റെ വഴി എന്ന സിനിമയിൽ നിന്നുള്ളതല്ല. പകരം ഒരു ഒരു ഭീമൻ നാഗശലഭമാണ് ഈ വീഡിയോയിൽ. ചാക്കോച്ചന്റെ കൈയില് ഈ ശലഭം വന്നിരിക്കുന്നതും താരം ആ ശലഭത്തെ കൗതുകത്തോടെ നോക്കുന്നതുമെല്ലാം വീഡിയോയിൽ കാണാം. തന്റെ കൈയിലിരിക്കുന്ന ഭീമന് ശലഭത്തെ സിനിമയുമായി യോജിപ്പിച്ചാണ് ചാക്കോച്ചന്റെ ക്യാപ്ഷനും. ‘‘ഭീമന്റെ വഴി ….ഒരു ഭീമൻ നാഗശലഭം വന്നപ്പോൾ ..’’ എന്ന ക്യാപ്ഷന് നല്കിയാണ് ചാക്കോച്ചന്റെ പോസ്റ്റ്.
‘തമാശ’ എന്ന ചിത്രത്തിന് ശേഷം അഷ്റഫ് ഹംസ സംവിധാനം ചെയ്യുന്ന ചിത്രമാണ് ഭീമന്റെ വഴി. ഒരു വഴിപ്രശ്നമാണ് സിനിമ. വഴി, വീട്ടിലേക്കുള്ള വഴിയും ജീവിതത്തിലേക്കുള്ള വഴിയും ആകുന്നിടത്താണ് കഥ മുറുകുന്നത്. ചെമ്പൻ വിനോദ് ജോസാണ് ചിത്രത്തിന്റെ രചന നിർവഹിക്കുന്നത്. ‘അങ്കമാലി ഡയറീസ്’ എന്ന ചിത്രത്തിന്റെ രചനയും ചെമ്പൻ ആയിരുന്നു. ‘ഭീമന്റെ വഴി’യിൽ ചെമ്പൻ വിനോദ് മുഖ്യവേഷത്തിലെത്തുന്നുമുണ്ട്. സുരാജ് വെഞ്ഞാറമ്മൂട്, ഭഗത്, ചിന്നു ചാന്ദ്നി, വിൻസി അലോഷ്യസ്, ജിനോ, ബിനു പപ്പു, നസീർ സംക്രാന്തി തുടങ്ങിയവരാണ് ചിത്രത്തിൽ മറ്റ് പ്രധാന വേഷങ്ങളിലെത്തുന്നത്. ചെമ്പോസ്കി മോഷൻ പിക്ചേഴ്സിന്റെ ബാനറിൽ ചെമ്പൻ വിനോദ്, റിമ കല്ലിങ്കൽ, ആഷിഖ് അബു എന്നിവർ ചേർന്നാണ് ചിത്രം നിർമിക്കുന്നത്.
