രൺവീർ സിംഗ്-ദീപിക പദുക്കോൺ നായികമാരായി അഭിനയിക്കുന്ന '83' ഡിസംബർ 24 ന് പ്രദർശനത്തിനെത്തുകയാണ്. 1983 ലെ ലോകകപ്പിനെ കുറിച്ചാണ് ചിത്രം. പാൻ ഇന്ത്യ തലത്തിൽ പ്രദർശനത്തിനെത്തുന്ന ചിത്രത്തിന്റെ കന്നഡ പതിപ്പ് ചെയ്യുന്നത് കിച്ച ‘സുദീപാ’ണ്. കഴിഞ്ഞ ദിവസം നടന്ന ചടങ്ങില്‍ ‘83’ ടീമിനൊപ്പം കിച്ച സുദീപുമുണ്ടായിരുന്നു. ആ ചടങ്ങില്‍ സംസാരിക്കുന്ന സമയത്ത് ഒരു രസകരമായ സംഭവം സുദീപ് പങ്കുവച്ചു.
‘‘36 വർഷം മുമ്പുള്ള സംഭവമാണിത്. അന്ന് ഞാൻ വളരെ ചെറുപ്പമായിരുന്നു. കപിൽ ദേവിനെ കാണാൻ ഞാൻ വളരെ ആകാംക്ഷയിലായിരുന്നു. ബാംഗ്ലൂരിലെ വെസ്റ്റ് എൻഡ് ഹോട്ടലിൽ ഒരിക്കൽ ഇന്ത്യൻ ടീം താമസിച്ചിരുന്നു. അന്ന് ഞാൻ കപിൽ ദേവ് ആയിരുന്നു അവരെ കാണാൻ ഞാൻ അവിടെ പോയത്. അവിടെ കപിൽ ദേവ് ഒറ്റയ്ക്ക് നടക്കുകയായിരുന്നു. ഞാൻ പുറകിൽ നിന്ന് പോയി അവന്റെ കോട്ട് ഊരി. എന്റെ കൂടെ എന്റെ മൂത്ത ചേച്ചിയും വന്നിരുന്നു. കപിലിന് ഒപ്പം നിന്ന് ഫോട്ടോ എടുക്കണം. ഒരു ചെറിയ ക്യാമറയും ഞങ്ങൾക്കുണ്ടായിരുന്നു. മറ്റൊരു ഫോട്ടോ എടുക്കേണ്ടതിനാൽ ക്യാമറ പ്രവർത്തിച്ചിരുന്നില്ല. ആ നിമിഷം ഞാൻ കരയാൻ തുടങ്ങി. അപ്പോൾ കപിൽ സാര്‍ എന്നെ എടുത്ത് ആശ്വസിപ്പിച്ചു.’’
പ്രസ് മീറ്റിനു ശേഷം കിച്ച സുധീപും കപിൽ ദേവും ക്യാമറയ്ക്ക് മുന്നില്‍ പോസ് ചെയ്തു. 36 വർഷങ്ങൾക്ക് ശേഷം സുദീപിന്റെ ആഗ്രഹം സഫലമായി. ആ സന്തോഷവും താരം ട്വിറ്ററിലൂടെ പങ്കുവച്ചിട്ടുണ്ട്.
‘‘36 വർഷങ്ങൾക്ക് ശേഷം ഒരു സ്വപ്ന സാക്ഷാത്കാരമാണ്. ഞാന്‍ കാത്തിരുന്ന ഈ ഫോട്ടോയ്ക്ക് ഇപ്പോള്‍ 36 വയസ്സായി. ഇത് സാധ്യമാക്കിയതിന് നന്ദി കപിൽ സാർ. അങ്ങ് എളിമയുടെ ഒരു പകർപ്പാണ്’’ എന്ന ക്യാപ്ഷനും നല്‍കിയാണ് സുദീപ് ഈ ഫോട്ടോ ഷെയര്‍ ചെയ്തത്.
‘83’ സിനിമ കന്നഡയിൽ അവതരിപ്പിക്കുന്നതിൽ സന്തോഷമുണ്ടെന്ന് സുധീപ് നേരത്തെ പറഞ്ഞിരുന്നു. 1983-ൽ വെസ്റ്റ് ഇൻഡീസിനെതിരെ ഇന്ത്യ നേടിയ ഏകദിന ലോകകപ്പ് വിജയത്തിന്റെ ചിത്രമാണിതെന്നും, ഇത് ക്രിക്കറ്റ് ചരിത്ര പേജുകളിൽ ഉൾപ്പെടുത്തിയിട്ടുണ്ടെന്നും ഏറെ നാളായി കാത്തിരിക്കുന്ന ചിത്രമാണിതെന്നും സുദീപ് പറഞ്ഞു. ഭാരതീയര്‍ക്ക് ക്രിക്കറ്റ് ഒരു മതമാണെന്ന് പറയുന്നതിനൊപ്പം യഥാർത്ഥ കഥ ജീവസുറ്റതാക്കിയതിന് അഭിനന്ദനങ്ങളും താരം അറിയിച്ചു.
Comments