മലയാള സിനിമാപ്രേക്ഷകരുടെ ഇഷ്ടസംവിധായകനാണ് ലാല്ജോസ്. ലാല്ജോസിന്റെ ഏറ്റവും പുതിയ സിനിമ ‘മ്യാവൂ’ ക്രിസ്മസ് റിലീസായി ഡിസംബര് 24 നാണ് തിയേറ്ററില് എത്തുന്നത്. സിനിമയുടെ എല്ലാ വിശേഷങ്ങളും ലാല് ജോസ് സോഷ്യല് മീഡിയയിലൂടെ പങ്കിടാറുണ്ട്. ഇപ്പോഴിതാ തന്റെ സിനിമയിലൂടെ അരങ്ങേറ്റം കുറിക്കുന്ന ഒരു കൊച്ചു ഗായികയുടെ വിശേഷം മുഖപുസ്തകത്തിലൂടെ പങ്കുവച്ചിരിക്കുകയാണ് ലാല്ജോസ്. ‘‘അച്ഛന്റെ സംഗീത സംവിധാനത്തിൽ മകളുടെ അരങ്ങേറ്റം Justin Varghese ജസ്റ്റിൻ വർഗ്ഗീസിന്റെ മകൾ തൻവി മ്യാവു വിൽ അച്ഛന്റെ ഈണത്തിനൊപ്പിച്ച് അനായാസമായി പാടിയിരിക്കുന്നു. അവളുടെ ആദ്യ സിനിമാ പാട്ട്... ഇതാണ് തൻവി മോൾ’’ എന്ന ക്യാപ്ഷനും നല്കി അതിനൊപ്പം വീഡിയോയും ലാല്ജോസ് ഫേസ്ബുക്കില് ഷെയര് ചെയ്തിട്ടുണ്ട്.
മംമ്ത മോഹന്ദാസും സൗബിന് ഷാഹിറും പ്രധാന വേഷങ്ങളിലെത്തുന്ന ‘മ്യാവൂ’വിന്റെ ട്രെയിലര് പോലും ആളുകളെ രസിപ്പിക്കുകയും ചിന്തിപ്പിക്കുകയും ചെയ്യുന്നതാണ്. കുടുംബപ്രേക്ഷകരുടെ ചിത്രം എന്ന നിലയിലാണ് ഇത് തിയേറ്ററിലെത്തുന്നത്.
