ന്യുഡല്ഹി: കോവിഡ് വാക്സിന് കരുതല് ഡോസും കൗമാരക്കാരുടെ വാക്സിനേഷനുമായി ബന്ധപ്പെട്ട മാര്ഗരേഖ കേന്ദ്രസര്ക്കാര് പുറത്തിറക്കി. 60 വയസ്സ് കഴിഞ്ഞ എല്ലാ എല്ലാവര്ക്കും കരുതല് ഡോസിന് അര്ഹതയുണ്ട്. അനുബന്ധ ആരോഗ്യ പ്രശ്നങ്ങളുള്ളവര്ക്കാണ് കരുതല് ഡോസ്. ഇവര് ഡോക്ടറുടെ സര്ട്ടിഫിക്കറ്റ് ഹാജരാക്കേണ്ടതില്ലെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി.
എന്നാല് കരുതല് ഡോസ് എടുക്കുന്നതിനു മുന്പ് ആരോഗ്യ പ്രശ്നങ്ങളുള്ളവര് ഡോക്ടറുടെ ഉപദേശം സ്വീകരിക്കണം. തിരഞ്ഞെടുപ്പ് നടക്കുന്ന സംസ്ഥാനങ്ങളില് തിരഞ്ഞെടുപ്പ് ഡ്യൂട്ടിയില് നിയോഗിക്കപ്പെടുന്നവരെ മുന്നണി പോരാളികളായി കണക്കാക്കും. അവര്ക്ക് മൂന്നാം ഡോസ് വാക്സിന് അര്ഹതയുണ്ട്.
കൗമാരക്കാരായ 15-18 പ്രായപരിധിയിലുള്ളവര്ക്ക് വാക്സിന് ലഭിക്കാന് ഓണ്ലൈനിലോ സ്പോട്ടിലോ ബുക്ക് ചെയ്യാം. വാക്സിന് ഡോസ് ലഭ്യത അനുസരിച്ചായിരിക്കും വാക്ക്-ഇന് സേവനം ലഭ്യമാകുക. കൗമാരക്കാരുടെ വാക്സിനേഷനുള്ള എല്ലാ സൗകര്യങ്ങളും സംസ്ഥാനങ്ങള് ഒരുക്കണമെന്നും കേന്ദ്രം അഭ്യര്ത്ഥിച്ചു.
