തിരുവനന്തപുരം; ഏറെ കോളിളക്കം സൃഷ്ടിച്ചകുട്ടിയെ ദത്തുനല്കിയ വിഷയത്തില് കുഞ്ഞിന്റെ മാതാപിതാക്കളായ അനുപമയും അജിത്തും വിവാഹിതരായി. തിരുവനന്തപുരം പരുത്തിപ്പാറ രജിസ്റ്റര് ഓഫീസില് വെച്ചാണ് ഇരുവരും വിവാഹത്തിന് അപേക്ഷ നല്കിയിരുന്നു. നോട്ടീസ് കാലാവധി കഴിഞ്ഞതിനെത്തുടര്ന്നാണ് ഇവരുടെ വിവാഹത്തിന് സാധുത നല്കിയത്.
കുഞ്ഞിന് വേണ്ടിയുള്ള അനുപമയുടെ പോരാട്ടം കേരളത്തില് ഏറെ മാധ്യമ ശ്രദ്ധ നേടിയിരുന്നു. സിപിഎമ്മിനെയും സര്ക്കാരിനെയും ശിശുക്ഷേമ സമിതിയെയും പിടിച്ചുലച്ച വിവാദമായിരുന്നു ഇവരുടെ കുഞ്ഞിനെ അനധികൃതമായി ദത്ത് നല്കിയ വിഷയം. ഇവരുടെ കുഞ്ഞിനെ ആന്ധ്രയിലേക്ക് ദത്ത് നല്കിയതും അതുസംബന്ധിച്ച വിവാദങ്ങളും കേരളത്തില് ഒരുപാട് ചര്ച്ച ചെയ്യപ്പെട്ട സംഭവമായിരുന്നു.
