ശരീരഭാരം ഇന്ന് പലര്ക്കും ഒരു വില്ലനാണ്. ആരോഗ്യത്തിന് ഏറെ ദോഷങ്ങള് നല്കുന്ന ഒന്നാണ് അമിത വണ്ണം. അമിത ഭക്ഷണവും മോശം ഭക്ഷണ ശീലങ്ങളും, വ്യായാമക്കുറവ്, സ്ട്രെസ് തുടങ്ങിയ പല കാരണങ്ങളും ശരീരഭാരം കൂട്ടാറുണ്ട്. തടി കുറയ്ക്കാന് സഹായിക്കുന്ന ഏറ്റവും പ്രധാനപ്പെട്ട ഘടകമാണ് ഡയറ്റും വ്യായാമവും.
എന്നാല് മിക്കവര്ക്കും ആദ്യം ചിന്തിക്കുന്നത് എളുപ്പത്തില് എങ്ങനെ ശരീരഭാരം കുറയ്ക്കാന് സാധിക്കുമെന്നാണ്. ഇതിനായി പലരും ഏത് രീതിയിലുള്ള പരീക്ഷണത്തിനും മുന്നിട്ടിറങ്ങാറുണ്ട്. ഭാരം കുറയ്ക്കാനായി ഒരിയ്ക്കലും ചെയ്യരുതാത്ത കാര്യങ്ങളെ കുറിച്ചാണ് അല്ലെങ്കില് ഭാരം കുറയ്ക്കാന് ശ്രമിച്ച് പരാജയപ്പെട്ട് പോകുന്നതിന്റെ കാരണങ്ങളാണ് പോഷകാഹാര വിദഗ്ധയായ അസ്ര ഖാന് പറയുന്നത്.
1. വാരാന്ത്യങ്ങളില് നിങ്ങള് ഭക്ഷണ ക്രമീകരണം തെറ്റിക്കുന്നു. പ്രവൃത്തി ദിവസങ്ങളില് നിങ്ങള് സ്വയം പട്ടിണി കിടക്കുകയോ, നിങ്ങള് ഇഷ്ടപ്പെടുന്ന എല്ലാ ഭക്ഷണങ്ങളും സ്വയം വേണ്ടെന്ന് വയ്ക്കുകയോ ചെയ്യുകയാണെങ്കില്, വാരാന്ത്യത്തില് നിങ്ങളുടെ ഭക്ഷണം ക്രമീകരണം എല്ലാം അട്ടിമറിഞ്ഞിട്ടുണ്ടായേക്കാം.
2. നിങ്ങളുടെ ഭാരം കുറയ്ക്കാനുള്ള ലക്ഷ്യങ്ങള്ക്കായി നിങ്ങള് നന്നായി തയ്യാറായിരിക്കില്ല. നിങ്ങള് മുന്കൂട്ടി തയ്യാറെടുക്കുന്നുവെന്ന് ഉറപ്പാക്കേണ്ടതുണ്ട്. നിങ്ങള്ക്ക് എല്ലാ ദിവസവും ഭക്ഷണം ഓര്ഡര് ചെയ്തുകൊണ്ട് നിങ്ങളുടെ പോഷകാഹാര ലക്ഷ്യങ്ങള് കൈവരിക്കുമെന്ന് പ്രതീക്ഷിക്കാന് പറ്റില്ല.
3. ശരീരഭാരം കുറയ്ക്കാന് നിങ്ങള്ക്ക് താല്പര്യമാണോ? നിങ്ങളുടെ വസ്ത്രങ്ങള് ശ്രദ്ധിച്ച്, അവ എങ്ങനെ യോജിക്കുന്നുവെന്ന് പരിശോധിച്ച്, നിങ്ങള്ക്ക് ദീര്ഘനേരം വര്ക്ക്ഔട്ടുകള് ചെയ്യാന് കഴിയുമോ എന്ന് നോക്കി, ഭക്ഷണവുമായുള്ള നിങ്ങളുടെ ബന്ധം മുതലായവ ശ്രദ്ധിച്ചുകൊണ്ട് നിങ്ങള്ക്ക് ശരീരഭാരം കുറിയ്ക്കാന് ശ്രമിയ്ക്കാം.
4. നിങ്ങള് വേണ്ട രീതിയില് വ്യായാമം ചെയ്യുന്നില്ലായിരിക്കാം. നടക്കുന്നത് അടക്കം, നിങ്ങള് ഏതെങ്കിലും തരത്തിലുള്ള ശാരീരിക പ്രവര്ത്തനങ്ങള് തിരഞ്ഞെടുക്കേണ്ടതുണ്ട്. അഞ്ച് കിലോമീറ്റര് ഗുണകരമായ നടത്തം പൂര്ത്തിയാക്കാന് ശ്രമിക്കുക, ഒപ്പം സജീവമായിരിക്കുക.
5. നിങ്ങള്ക്ക് ഹോര്മോണ് അസന്തുലിതാവസ്ഥ ഉണ്ടാകാം. ഈ സാഹചര്യത്തില്, അമിതമായ വ്യായാമങ്ങള് വീക്കം ഉണ്ടാക്കും. നിങ്ങള്ക്ക് തൈറോയിഡ് ഉണ്ടോ എന്നോ പിസിഒഎസിനുള്ള ഫാസ്റ്റിംഗ് ഇന്സുലിന്, ഈസ്ട്രജന് ആധിപത്യം മുതലായവ ഉണ്ടോ എന്നോ കണ്ടെത്തുന്നതിനായി രക്തപരിശോധന നടത്തുക.
