ട്വീറ്റ് വിവാദത്തില് ബാഡ്മിന്റണ് താരം സൈനാ നേവാളിനോട് മാപ്പുചോദിച്ച് നടന് സിദ്ധാര്ത്ഥ്. ട്വീറ്ററില് പങ്കുവച്ച കുറിപ്പിലാണ് രണ്ട് ദിവസം മുമ്പ് നടത്തിയ പരാമര്ശത്തില് നടന് ഖേദപ്രകടനം നടത്തിയിരിക്കുന്നത്. താനെഴുതിയ മോശം തമാശയ്ക്ക് മാപ്പുപറയാനാഗ്രഹിക്കുന്നു എന്നുപറഞ്ഞാണ് സിദ്ധാര്ത്ഥ് കുറിപ്പ് തുടങ്ങുന്നത്.
നിരവധി പേര് ആരോപിക്കുന്ന തരത്തിലുളള ദുരുദ്ദേശങ്ങളൊന്നും ആ ട്വീറ്റില് ഇല്ലായിരുന്നു. താനും കടുത്ത ഫെമിനിസ്റ്റ് തന്നെയാണ്. ഒരു സ്ത്രീയെന്ന നിലയില് സൈനയെ ആക്രമിക്കാനുളള ഉദ്ദേശമില്ലായിരുന്നു. ഈ പ്രശ്നം അവസാനിപ്പിക്കും. ഈ കത്ത് സ്വീകരിക്കുമെന്ന് കരുതുന്നുവെന്നും സൈന എന്നും തന്റെ ചാമ്പ്യന് ആയിരിക്കുമെന്നും സിദ്ധാര്ത്ഥ് ട്വീറ്റില് പങ്കുവച്ച കത്തില് പറയുന്നു.
പ്രധാനമന്ത്രി മോദിയുടെ അതീവസുരക്ഷ വാഹനവ്യൂഹം പഞ്ചാബിലെ ഫിറോസ്പുരില് കര്ഷകര് തടഞ്ഞസംഭവത്തില് സൈന ട്വീറ്റ് ചെയ്തിരുന്നു. സ്വന്തം പ്രധാനമന്ത്രിയുടെ സുരക്ഷ പോലും ഉറപ്പില്ലാത്ത ഒരു രാജ്യം എങ്ങനെയാണ് സുരക്ഷിതമാണെന്ന് അവകാശപ്പെടുകയെന്നായിരുന്നു സൈന ട്വീറ്റ് ചെയ്തത്.
Dear @NSaina pic.twitter.com/plkqxVKVxY
— Siddharth (@Actor_Siddharth) January 11, 2022
ഈ ട്വീറ്റിന് സിദ്ധാര്ത്ഥ് കുറിച്ച മറുപടിയിലെ ഒരു വാക്കാണ് വിവാദങ്ങള്ക്ക് വഴിയൊരുക്കിയത്.
No nation can claim itself to be safe if the security of its own PM gets compromised. I condemn, in the strongest words possible, the cowardly attack on PM Modi by anarchists.#BharatStandsWithModi #PMModi
— Saina Nehwal (@NSaina) January 5, 2022
വ്യാപകമായ പ്രതിഷേധമാണ് ഇതേതത്തുടര്ന്ന് സിദ്ധാര്ത്ഥിനെതിരെ ഉയര്ന്നുവന്നത്. കൂടാതെ വനിതാ കമ്മീഷന് സിദ്ധാര്ത്ഥിനെതിരെ സ്വമേധയാ കേസും രജിസ്റ്റര് ചെയ്തിരുന്നു.
