രാഹുല് സദാശിവന് സംവിധാനം ചെയ്ത് ഷെയ്ന് നിഗവും രേവതിയും മത്സരിച്ചഭിനയിച്ച 'ഭൂതകാല'ത്തെ വാനോളം പുകഴ്ത്തി ബോളിവുഡ് സംവിധായകന് രാം ഗോപാല് വര്മ. ഭൂത്, രാത്ത്, ട്വല്വ് ഓ ക്ലോക്ക് തുടങ്ങി പത്തിലേറെ ഹൊറര് സിനിമകള് സംവിധാനം ചെയ്ത സംവിധായകനാണ് രാംഗോപാല് വര്മ. എക്സോസിസ്റ്റ് എന്ന ഹോളിവുഡ് ചിത്രത്തിന് ശേഷം ഇത്രയും നല്ലൊരു ഹൊറര് ചിത്രം വേറെ കണ്ടിട്ടില്ല എന്നാണു ഭൂതകാലത്തെക്കുറിച്ച് അദ്ദേഹം ട്വീറ്റ് ചെയ്തത്.
'എക്സോസിസ്റ്റിനു ശേഷം ഞാന് കണ്ടതില് വച്ച് ഏറ്റവും മികച്ച ഹൊറര് സിനിമയാണ് 'ഭൂതകാലം'. വളരെ ഭയപ്പെടുത്തുന്ന അന്തരീക്ഷം സൃഷ്ടിച്ച് പ്രേക്ഷകരെ പിടിച്ചിരുത്തുന്നതില് വിജയിച്ച ഭൂതകാലത്തിന്റെ സംവിധായകന് രാഹുല് സദാശിവനും നിര്മാതാവ് അന്വര് റഷീദിനും അഭിനന്ദനങ്ങള്. ഷെയ്ന് നിഗം വളരെ ബ്രില്യന്റ് ആയി അഭിനയിച്ചിരിക്കുന്നു. ബഹുമുഖ പ്രതിഭയായ രേവതിയുടെയും അഭിനയം എടുത്തുപറയേണ്ടതാണ്. ഭൂതകാലത്തിനു പിന്നില് പ്രവര്ത്തിച്ച മുഴുവന് ടീമിനും അഭിനന്ദനങ്ങള്.' രാം ഗോപാല് വര്മ കുറിച്ചു.
Not since EXORCIST, I saw a more realistic horror film than BHOOTHA KAALAM 🙏 Kudos to director Rahul Sadasivan for the ambience created and producer Anwar Rasheed,brilliantly enacted by Shane Nigam and ultra versatile #RevathyActress https://t.co/kdStRgTTiY playing on Sony Liv
— Ram Gopal Varma (@RGVzoomin) January 24, 2022
