അല്ലു അര്ജുന് നായകനായ പുഷ്പഃ ദ റൈസ് എന്ന സിനിമ റിലീസ് ചെയ്തിട്ട് ഇത്രയും നാളായിട്ടും പ്രേക്ഷകരുടെ മനസ്സില് വന് ഹിറ്റായി നില്ക്കുന്നു.
തീപാറുന്ന ഡയലോഗുകളും ആകർഷകമായ ഗാനങ്ങളും കൊണ്ട്, ഇത് എല്ലായിടത്തും ആളുകളെ ആകർഷിച്ചു. എന്നാൽ, രാജ്യത്തിന് പുറത്തേക്കും പുഷ്പ പടർന്നിരിക്കുകയാണ്. അല്ലു അർജുന്റെ ശ്രീവല്ലി ഹുക്ക് സ്റ്റെപ്പ് പുനർനിർമ്മിക്കുന്ന ആളുകളുടെ എണ്ണമറ്റ റീലുകൾ രാജ്യങ്ങള് കടന്നു പോയതാണ്. പക്ഷേ ഇപ്പോള് തരംഗമാകുന്നത് ഒരു ഡച്ച് ഗായികയുടെ മധുരഗാനമാണ്. പുഷ്പയിലെ ‘ശ്രീവല്ലി’ എന്ന ഗാനത്തിന്റെ ഡച്ച് ഗായികയായ എമ്മ ഹീസ്റ്റേഴ്സിന്റെ കവര് വേര്ഷന് ഓൺലൈനിൽ ഹൃദയം കീഴടക്കുകയാണ്.
എമ്മ ഹീസ്റ്റേഴ്സ് തന്നെയാണ് ഇൻസ്റ്റഗ്രാമിൽ ഇത് പോസ്റ്റ് ചെയ്തത്. ബിജിലീ ബിജ്ലീ, രാതൻ ലാംബിയാൻ തുടങ്ങിയ ജനപ്രിയ ബോളിവുഡ് ഗാനങ്ങളും എമ്മ ഇതിനു മുമ്പ് കവർ വേര്ഷന് ചെയ്തിട്ടുണ്ട്, കൂടാതെ ഷേർഷായിലെ പ്രശസ്ത ഗാനമായ രഞ്ജയുടെ ഇംഗ്ലീഷ് പതിപ്പ് പോലും എമ്മ ആലപിച്ചിട്ടുണ്ട്. ഈ ചെറിയ വീഡിയോ ക്ലിപ്പിൽ, എമ്മ ഗാനം ശ്രുതിമധുരമായി ആലപിക്കുന്നത് കാണാം. ഈ വീഡിയോ ഇതിനോടകം തന്നെ വൈറലായിട്ടുണ്ട്.
