ബോളിവുഡിലെ സൂപ്പര് കപ്പിള്സാണ് കാജോളും അജയ് ദേവ്ഗണും. ഒരുമിച്ച് അഭിനയിച്ച സിനിമകളിലുടെയാണ് ഇവര് തമ്മിലുള്ള പ്രണയം തുടങ്ങിയത്. ഇപ്പോഴിതാ 23-ാം വിവാഹവാര്ഷികം ആഘോഷിക്കുകയാണ് ഇവര്. വിവാഹശേഷവും സോഷ്യല് മീഡിയയിലും സിനിമകളിലും സജീവമാണ് കാജോള്. വിവാഹവാര്ഷികദിനത്തില് കാജോള് പങ്കുവച്ച കുറിപ്പാണ് സോഷ്യല് മീഡിയയിലിപ്പോള് ശ്രദ്ധ നേടുന്നത്.
‘‘ഓട്ടം, നടത്തം, മുടന്തല്, ചവിട്ടല്, നിലവിളി എന്നിവ പിന്നിട്ട് ഞങ്ങള് 23 വര്ഷത്തിന് ശേഷം ഇവിടെയുണ്ട്. നാം ഒരു മെഡല് അര്ഹിക്കുന്നുണ്ടോ? അതോ വിസ്മയ കാഴ്ച അര്ഹിക്കുന്നോ? ഒന്നുകിൽ അവാർഡ് ഫംഗ്ഷനുകളെക്കുറിച്ച് എങ്ങനെ തോന്നുന്നുവെന്ന് ഞങ്ങൾ രണ്ടുപേർക്കും അറിയാവുന്നതിനാൽ ഞാൻ ഇപ്പോൾ ശിരസ്സു നമിക്കുന്നു’’ എന്ന കുറിപ്പിനൊപ്പം ഒരുമിച്ചുള്ള ചിത്രവും കാജോള് പോസ്റ്റ് ചെയ്തിട്ടുണ്ട്.
വിവാഹവാര്ഷികത്തില് അജയ്ദേവ്ഗണും കാജോളിന് ആശംസ നേര്ന്നിട്ടുണ്ട്. ‘‘1999 - പ്യാർ തോ ഹോനാ ഹി താ
2022 - പ്യാർ ഇപ്പോഴുമുണ്ട്!’’ എന്ന ക്യാപ്ഷനൊപ്പം രണ്ടുപേരും ഒരുമിച്ചുള്ള ഒരു പഴയ അഭിമുഖ വീഡിയോയും താരം പങ്കുവച്ചിട്ടുണ്ട്. വീഡിയോയില് ‘‘അവളിപ്പോഴും എന്റെ കൂടെയുണ്ടെന്നത് എന്നെ അത്ഭുതപ്പെടുത്തുന്നു,’’ എന്ന അജയ് ദേവ്ഗണ് പറയുന്ന ഭാഗമാണ് എഡിറ്റ് ചെയ്ത് കൊടുത്തിരിക്കുന്നത്.
1999ലാണ് കാജോളും അജയ് ദേവ്ഗണും വിവാഹിതരാവുന്നത്. നൈസ, യുഗ് എന്നിവരാണ് മക്കള്. ദൃശ്യം 2ന്റെ ഹിന്ദി റീമേക്കിലാണ് അജയ് ഇപ്പോള് അഭിനയിച്ചുകൊണ്ടിരിക്കുന്നത്. സഞ്ജയ് ലീലാ ബന്സാലിയുടെ ഗംഗുഭായി കത്യാവാഡി, എസ് എസ് രാജമൗലിയുടെ ആര്ആര്ആര് എന്നിവയാണ് റിലീസിനൊരുങ്ങുന്ന മറ്റു അജയ് ചിത്രങ്ങള്.
