മേഘ്ന രാജ് മലയാളികളുടെ പ്രിയ താരമാണ്. ഭര്ത്താവും നടനുമായ ചിരഞ്ജീവി സര്ജയുടെ മരണത്തിന് പിന്നാലെ മേഘ്നയും മകനും വാര്ത്തകളില് നിറഞ്ഞിരുന്നു. ഒക്ടോബറില് ആണ് മേഘ്നയ്ക്ക് ഒരു ആണ്കുഞ്ഞ് ജനിച്ചത്. ജനിച്ച് വീണ് മണിക്കൂറുകള്ക്കുളളില് തന്നെ കുഞ്ഞിന്റെ ചിത്രങ്ങള് സോഷ്യല് മീഡിയയില് വൈറലായിരുന്നു. കുഞ്ഞിന്റെ ഒന്നാം പിറന്നാള് ആഘോഷവും റായൻ രാജ് സർജ്ജ എന്ന് പേരിട്ടതുമൊക്കെ സോഷ്യല് മീഡിയ ആഘോഷമാക്കി. ഇപ്പോഴിതാ മകനൊപ്പമുള്ള ക്യൂട്ട് വീഡിയോ പങ്കുവച്ചിരിക്കുകയാണ് താരം. ‘‘മൈ സണ് ഷൈന്’’ എന്ന ക്യാപ്ഷനും നല്കി മേഘ്ന പങ്കുവച്ച വീഡിയോയില് കുഞ്ഞു റയാന് അപ്പ,അമ്മ, താത്ത എന്നിങ്ങനെയുള്ള വാക്കുകള് ക്യൂട്ടായി പറയുന്നത് കാണാം. ചിരിച്ച് സന്തോഷത്തോടെ ഇതൊക്കെ പറഞ്ഞു കൊടുക്കുന്ന മേഘ്നയും വീഡിയോയിലുണ്ട്. പതിവു പോലെ തന്നെ മേഘ്നയുടെ ഈ ക്യൂട്ട് വീഡിയോയും ആരാധകര് ഏറ്റെടുത്തിട്ടുണ്ട്.
ചിരിച്ചു സന്തോഷിക്കുന്ന മേഘ്നയെ കണ്ട സന്തോഷം ആരാധകരെല്ലാം പങ്കുവച്ചിട്ടുണ്ട്. മകന്റെ ഒന്നാം പിറന്നാളിന് ശേഷമാണ് മേഘ്ന വീണ്ടും സ്ക്രീനില് നിറയാന് തുടങ്ങിയത്. കഴിഞ്ഞ ദിവസമാണ് തന്റെ അടുത്ത ചിത്രമായ ‘ശബ്ദ’യുടെ പ്രഖ്യാപനം മേഘ്ന സോഷ്യല് മീഡിയയിലൂടെ അറിയിച്ചത്. തനിക്ക് സംസ്ഥാന അവാർഡ് നേടിക്കൊടുത്ത ‘ഇരുവുഡെല്ലാവബിട്ടു’വിന്റെ കന്തരാജ് കണ്ണള്ളി എന്ന സംവിധായകന്റെയും ടീമിന്റെയുമൊപ്പമാണ് ഈ സിനിമയും എന്നത് അഭിമാനവും അനുഗ്രഹവുമാണെന്ന് മേഘ്ന കുറിച്ചിരുന്നു.
