ബോളിവുഡ് സിനിമാലോകത്തോടു ഏറെ അടുപ്പമുള്ള കുടുംബമാണ് കപൂര്. പഴയ തലമുറ മുതല് ഇപ്പോഴത്തെ തലമുറയില് വരെയുള്ള കപൂര് കുടുംബത്തിലെ എല്ലാവരും താരങ്ങളാണ്. സിനിമയില് തിളങ്ങാത്തവര് ഇക്കൂട്ടത്തില് ഉണ്ടെങ്കില് പോലും അവരെക്കുറിച്ചുള്ള കാര്യങ്ങള് പോലും വാര്ത്തകളാണ്. ബോളിവുഡ് സിനിമാ നിര്മാതാവ് ബോണി കപൂറിന്റെ മകളും നടൻ അർജുൻ കപൂറിന്റെ സഹോദരിയുമാണ് അന്ഷുല കപൂറിനെ അറിയാത്തവര് ചുരുക്കമാണ്. സോഷ്യല് മീഡിയയില് വളരെ സജീവമായ അന്ഷുല പുതിയ ചിത്രങ്ങളും വിശേഷങ്ങളുമൊക്കെ ഇതിലൂടെ പങ്കുവയ്ക്കാറുണ്ട്. ഇപ്പോഴിതാ ശരീര ഭാരം കുറയ്ക്കാൻ താൻ നടത്തിയ പരിശ്രമങ്ങളെക്കുറിച്ച് പറഞ്ഞിരിക്കുകയാണ് അന്ഷുല. ശരീര ഭാരം കുറച്ചതിനെക്കുറിച്ചും അതിനു വേണ്ടി നടത്തിയ കഠിന പ്രയത്നങ്ങളെക്കുറിച്ചും നിരവധി സെലിബ്രിറ്റികൾ തുറന്നു പറഞ്ഞിട്ടുണ്ട്. അന്ഷുല അതിനു വേണ്ടി രണ്ടു വര്ഷമായി ശ്രമിക്കുകയാണെന്നാണ് ഇൻസ്റ്റഗ്രാമിൽ പങ്കുവച്ച കുറിപ്പിൽ അൻഷുല പറയുന്നത്.
‘‘സ്വയം ശ്രദ്ധിക്കുക: ഇന്ന് നിങ്ങളോട് കുറച്ചുകൂടി നന്നായി സംസാരിക്കുക.
ഇന്ന് എന്നെ സംബന്ധിച്ചിടത്തോളം, ആരോഗ്യമുള്ളവൾ എന്നത് എന്നെ സംബന്ധിച്ച് കണ്ണാടിയില് നോക്കുമ്പോള് എങ്ങനെ കാണപ്പെടുന്നു എന്നതിനേക്കാള് വളരെയധികം അര്ഥമാക്കുന്നു. ഞാന് മികച്ച സ്ഥലത്ത് അല്ലെന്ന് മാനസികമായി മനസ്സിലാക്കുകയാണ് ആദ്യം ചെയ്തത്. ഒരു ദിവസം തുടങ്ങുന്നതിനു മുമ്പേ അന്നേദിവസം എന്താണ് കഴിക്കേണ്ടതെന്ന് ഞാന് എന്നെ തന്നെ പറഞ്ഞു മനസ്സിലാക്കി. അതത്ര സുഖമുള്ള കാര്യമല്ല. ഏറ്റവും ബുദ്ധിമുട്ടേറിയ ഘട്ടവും അതായിരുന്നു. ഇതിന് ചികിത്സ ആവശ്യമായിരുന്നു. കരഞ്ഞു തളര്ന്ന നാളുകള്. ഒരുപാട് അസ്ഥിരതകള്, ഭയം, തിരിച്ചടികള്, അസ്വസ്ഥത, സ്വയം സംശയം എന്നിവയെല്ലാം ഉണ്ടായിരുന്നു. അവസാനം സ്വയം തിരിച്ചറിഞ്ഞു. പിന്നെ പതിയെ അതിനോട് പൊരുത്തപ്പെടാന് തുടങ്ങി. അങ്ങനെ രോഗശാന്തി ആരംഭിച്ചു.
ഇത് 2 വർഷത്തെ നീണ്ട യാത്രയാണ്, ഞാൻ ഇപ്പോഴും പുരോഗതിയിലാണ്. എന്റെ സ്വാർത്ഥത എന്റെ ശരീരത്തിന്റെ ആകൃതിയുമായി ബന്ധപ്പെട്ടിട്ടില്ലെന്നും എന്റെ അപൂർണതകളെയും കുറവുകളെയും നിരന്തരം ഇകഴ്ത്തുകയോ വിമർശിക്കുകയോ ചെയ്യുന്നത് എനിക്ക് ഒരു ഗുണവും ചെയ്യുന്നില്ലെന്നും മനസ്സിലാക്കാൻ എനിക്ക് ഏറെ സമയമെടുത്തു - ആ പോരായ്മ വൈകാരികമോ ശാരീരികമോ ആണെങ്കിലും . നിങ്ങൾ അയോഗ്യനെന്നോ സ്നേഹിക്കപ്പെടാൻ യോഗ്യനല്ലെന്നോ കരുതി ജീവിക്കാൻ ജീവിതം വളരെ ചെറുതാണ് എന്നതിനാൽ, പൂര്ണതയില്ലാത്ത എന്റെ ശരീരത്തെ സ്നേഹിക്കാന് ഇപ്പോള് പഠിച്ചുകൊണ്ടിരിക്കുകയാണ്, എന്നാല് ഞാന് ഇപ്പോഴും യോഗ്യയാണ്.’’ കുറിപ്പിനൊപ്പം തന്റെ ചിത്രവും അന്ഷുല പങ്കുവച്ചിട്ടുണ്ട്.
അൻഷുലയുടെ പോസ്റ്റ് കണ്ടിട്ട് സഹോദരി ജാൻവി കപൂർ നിരവധി ഫയർ ഐക്കണുകളും “ഓഹ് മൈ ഗോഡ്, ഹണി” എന്ന കമന്റും കൊടുത്തിട്ടുണ്ട്. മറ്റൊരു കമന്റിൽ ‘‘മുന്നോട്ടും മേലോട്ടും!!!’’ എന്നെഴുതിയിട്ടുണ്ട്. കസിൻ ഷനായ കപൂറും അമ്മായി മഹീപ് കപൂറും പോസ്റ്റിന് പ്രതികരണമായി നിരവധി ഹൃദയ ചിഹ്നങ്ങൾ ഉപേക്ഷിച്ചു. ഹുമ ഖുറേഷി അൻഷുലയെ ‘സെക്സി’ എന്നാണ് വിളിച്ചത്.
