ഇന്ത്യന്‍ വിപണിയില്‍ സാംസങ്ങ് ഗ്യാലക്‌സി എഫ്23 സ്മാര്‍ട്ട്‌ഫോണ്‍ പുറത്തിറക്കി. 5ജി പിന്തുണയോടെ എത്തുന്ന ഫോണിന്റെ യഥാര്‍ത്ഥ വില ആരംഭിക്കുന്നത് 17,499 രൂപ മുതലാണ്. എന്നാല്‍, ഉപഭോക്താക്കള്‍ക്ക് ഇത് 14,999 രൂപയ്ക്ക് വാങ്ങാനാകും, ഇത് പരിമിതകാല ഓഫറാണ്. അടിസ്ഥാന 4 ജിബി റാം + 128 ജിബി സ്റ്റോറേജ് വേരിയന്റിനാണ് ഈ വില. 6GB + 128GB മോഡല്‍ തുടക്കത്തില്‍ 15,999 കിഴിവുള്ള വിലയില്‍ ലഭ്യമാകും. പിന്നീട്, അതേ വേരിയന്റ് 18,499 രൂപയ്ക്ക് വില്‍പ്പനയ്‌ക്കെത്തും.
അക്വാ ബ്ലൂ, ഫോറസ്റ്റ് ഗ്രീന്‍ എന്നീ രണ്ട് കളര്‍ ഓപ്ഷനുകളിലാണ് ഇതു ലഭ്യമാകുക. മാര്‍ച്ച് 16 മുതല്‍ ഫ്ലിപ്പ്കാര്‍ട്ട്, സാംസങ്ങ് ഡോട്ട് കോം വഴിയും തിരഞ്ഞെടുത്ത റീട്ടെയില്‍ സ്റ്റോറുകള്‍ വഴിയും വില്‍പ്പന നടക്കും. കൂടാതെ, ICICI ബാങ്ക് കാര്‍ഡ് ഉടമകള്‍ക്ക് 1,000 രൂപയുടെ ഇന്‍സ്റ്റന്റ് ക്യാഷ്ബാക്ക് ഓഫറിന് അര്‍ഹതയുണ്ട്. ഏറ്റവും പുതിയ ആന്‍ഡ്രോയിഡ് 12 ഒഎസുമായി സാംസങ് ഗാലക്‌സി എഫ്23 5ജി ഷിപ്പ് ചെയ്യുന്നത്. രണ്ട് വര്‍ഷത്തെ പ്രധാന ആന്‍ഡ്രോയിഡ് അപ്‌ഗ്രേഡുകളും നാല് വര്‍ഷത്തെ സുരക്ഷാ അപ്‌ഡേറ്റുകളും ഫോണിന് ലഭിക്കുമെന്ന് കമ്പനി വാഗ്ദാനം ചെയ്യുന്നു. 120 ഹേര്‍ട്സ് റിഫ്രഷ് റേറ്റുള്ള 6.6-ഇഞ്ച് ഫുള്‍-എച്ച്ഡി+ ഇന്‍ഫിനിറ്റി-യു ഡിസ്‌പ്ലേയാണ് ഇതിലുള്ളത്. 6GB വരെ റാം പിന്തുണയ്ക്കുന്ന ഒരു ഒക്ടാ-കോര്‍ ക്വാല്‍കോം സ്‌നാപ്ഡ്രാഗണ്‍ 750G പ്രോസസര്‍ ഇതില്‍ അടങ്ങിയിരിക്കുന്നു.
ട്രിപ്പിള്‍ റിയര്‍ ക്യാമറ സജ്ജീകരണത്തോടെയാണ് ഫോണ്‍ വരുന്നത്, അതില്‍ 50-മെഗാപിക്സല്‍ Samsung ISOCELL JN1 പ്രൈമറി സെന്‍സറും f/1.8 ലെന്‍സുമുണ്ട്. ക്യാമറ സജ്ജീകരണത്തില്‍ 8 മെഗാപിക്സല്‍ അള്‍ട്രാ വൈഡ് ഷൂട്ടറും 2 മെഗാപിക്സല്‍ മാക്രോ ഷൂട്ടറും ഉള്‍പ്പെടുന്നു. സെല്‍ഫികള്‍ക്കും വീഡിയോ ചാറ്റുകള്‍ക്കുമായി, മുന്‍വശത്ത് 8 മെഗാപിക്സല്‍ സെല്‍ഫി ക്യാമറ സെന്‍സര്‍ വഹിക്കുന്നു. 25 വാട്സ് ഫാസ്റ്റ് ചാര്‍ജിംഗിനുള്ള പിന്തുണയുള്ള 5,000 എംഎഎച്ച് ബാറ്ററിയുള്ള എഫ്23 5ജി സാംസങ് ചേര്‍ത്തു. 5G, 4G LTE, Wi-Fi, Bluetooth, GPS, NFC, USB Type-C, 3.5mm ഹെഡ്‌ഫോണ്‍ ജാക്ക് എന്നിവ കണക്റ്റിവിറ്റി ഓപ്ഷനുകളില്‍ ഉള്‍പ്പെടുന്നു. ഇതിന് NFC, ഡോള്‍ബി അറ്റ്‌മോസ് എന്നിവയ്ക്കു പുറമേ, സാംസങ് പേയ്ക്കുള്ള പിന്തുണയുണ്ട്.
Comments