കോട്ടയം: സില്വര് ലൈന് കല്ലിടലിനെതിരെ ചങ്ങനാശേരി മാടപ്പള്ളിയില് വന് പ്രതിഷേധം. കല്ലിടാനെത്തിയ ഉദ്യോഗസ്ഥരെ നാട്ടുകാര് തടഞ്ഞു. പോലീസ് ലാത്തിവീശി. സ്ത്രീകള് അടക്കമുള്ളവരെ വലിച്ചിഴച്ചു. മുന്നിരയില് നിന്നിരുന്ന പ്രതിഷേധക്കാരെ അറസ്റ്റു ചെയ്തു നീക്കിയ ശേഷം കല്ലിടല് തുടരുകയാണ്.
നോട്ടീസ് പോലും നല്കാതെയാണ് സ്വകാര്യ ഭൂമിയില് കയ്യേറി കല്ലിടുന്നതെന്ന് ജോസഫ് എം. പുതുശേരി പറഞ്ഞു. നനാട്ടുകാരെ തൃക്കൊടിത്താനം പോലീസ് സ്റ്റേഷനിലേക്ക് മാറ്റി. സംഘഠര്ഷത്തില് പരിക്കേറ്റവരെ ചെത്തിപ്പുഴയിലെ ആശുപത്രിയില് പ്രവേശിപ്പിച്ചു. സമാധാനം പാലിക്കേറ്റ പോലീസ് പ്രശ്നം വഷളാക്കുകയാണെന്നും ജോസഫ് എം. പുതുശേരി പറഞ്ഞു.
രാവിലെ മുതല് മനുഷ്യമതില് തീര്ത്താണ് കക്ഷി ഭേദമന്യേ നാട്ടുകാര് പ്രതിഷേധിക്കുന്നത്. ശക്തമായ ചെറുത്തുനില്പ്പാണ് നാട്ടുകാരുടെ ഭാഗത്തുനിന്ന് അധികൃതര് നേരിട്ടത്. കഴിഞ്ഞ ദിവസങ്ങളിലും ഇവിടെ ശക്തമായ പ്രതിഷേധം നടന്നിരുന്നു. സര്വേ സംഘത്തെ തടയുകയും കല്ലുമായി വന്ന വാഹനം തടഞ്ഞിടുകയും ചെയ്തിരുന്നു.
