കിയ കാരെന്സ് ഇന്ത്യയില് കഴിഞ്ഞ മാസമാണ് അവതരിപ്പിച്ചത്. കൂടുതല് ഉപഭോക്താക്കളെ നേടുന്നതിനായി കാരെന്സിനായി പുതിയ പദ്ധതികള് അവതരിപ്പിച്ചിരിക്കുകയാണ് കിയ ഇപ്പോള്. കാര് നിര്മാതാവ് കാരെന്സ് ഉപഭോക്താക്കള്ക്ക് മാത്രമായി ഒരു പുതിയ 'മൈ കണ്വീനിയന്സ് പ്ലസ്' ആഫ്റ്റര്സെയില്സ് സംരംഭം അവതരിപ്പിച്ചിരിക്കുകയാണ് കമ്പനി.
'മൈ കണ്വീനിയന്സ് പ്ലസ്' പ്ലാന് പ്രകാരം, കാരെന്സ് എംപിവിയുടെ ഉടമകള്ക്ക് ലക്ഷ്വറി, പ്രീമിയം എന്നീ രണ്ട് വില്പ്പനാനന്തര പാക്കേജുകള് തിരഞ്ഞെടുക്കാം.
വിപുലീകൃത വാറന്റി, റോഡ്സൈഡ് അസിസ്റ്റന്സ്, സര്വീസ് ലേബര് സംരക്ഷണം, ടയര് അലോയ് സംരക്ഷണം, രാജ്യത്തുടനീളം സാധുതയുള്ള ആനുകാലിക അറ്റകുറ്റപ്പണികള് തുടങ്ങി നിരവധി ആനുകൂല്യങ്ങള് ഈ പദ്ധതികള്ക്ക് കീഴില് വാഗ്ദാനം ചെയ്യുന്നു.
കെയര് ഷീല്ഡ്, കെയര് ഷീല്ഡ്+, എഞ്ചിന് പ്രൊട്ടക്ഷന് എന്നിവയാണ് കാരെന്സ് വാങ്ങുന്നവര്ക്കുള്ള മറ്റ് സവിശേഷ സ്കീമുകള്. കെയര് ഷീല്ഡ് അഡീഷ്ണല് റിപ്പയര് ചെയ്യാനുള്ള ഒരു ഓപ്ഷനും വാഗ്ദാനം ചെയ്യുന്നിടത്ത്, പരമാവധി രണ്ട് ഇവന്റുകള് ഉള്ക്കൊള്ളുന്ന ഒരു അപകടത്തിന് നിയമപരമായ ക്ലെയിം ഫയല് ചെയ്താല്, ഷീല്ഡ്+ ഒരു ലക്ഷം രൂപ വരെ റീഇംബേഴ്സ്മെന്റ് വാഗ്ദാനം ചെയ്യുന്നു.
തങ്ങള് ചെയ്യുന്ന എല്ലാ കാര്യങ്ങളിലും വ്യത്യസ്തമായ അനുഭവം നല്കി ഉപഭോക്താക്കള്ക്ക് മികച്ച ഉല്പ്പന്നങ്ങളും സേവനങ്ങളും നല്കാന് കിയ ഇന്ത്യ എല്ലായ്പ്പോഴും പരിശ്രമിക്കുന്നുവെന്ന് കിയ ഇന്ത്യ വൈസ് പ്രസിഡന്റും സെയില്സ് ആന്ഡ് മാര്ക്കറ്റിംഗ് മേധാവിയുമായ ഹര്ദീപ് സിംഗ് ബ്രാര് പറഞ്ഞു.
മൈ കണ്വീനിയന്സ് പ്ലസ് പോലുള്ള മികച്ച വില്പ്പനയും വില്പ്പനാനന്തര സംരംഭങ്ങളും ഒന്നിലധികം പുതിയ മൂല്യ നിര്ദ്ദേശങ്ങളും ഉപയോഗിച്ച്, കിയ ബ്രാന്ഡ് അനുഭവം തങ്ങളുടെ ഉപഭോക്താക്കളിലേക്ക് കൂടുതല് അടുപ്പിക്കാന് ആഗ്രഹിക്കുന്നു. നമ്മുടെ രാജ്യത്ത് ഒരു കാര് വാങ്ങല് എന്നത് വൈകാരികമായ തീരുമാനമാണ്, തങ്ങളുടെ ഉപഭോക്താക്കള്ക്ക് അവരുടെ കാര് ഉടമസ്ഥാവകാശ യാത്രയുടെ ഓരോ ഘട്ടത്തിലും പൂര്ണ്ണമായ മനസ്സമാധാനം ഉറപ്പാക്കാനുള്ള തങ്ങളുടെ നിരന്തരമായ പരിശ്രമമാണിതെന്നും ഹര്ദീപ് സിംഗ് ബ്രാര് വ്യക്തമാക്കി.
ഇതുവരെ വാഹനത്തിന് 50,000-ല് അധികം ബുക്കിംഗുകള് ലഭിച്ചുവെന്ന് കമ്പനി വ്യക്തമാക്കിയിട്ടുണ്ട്. വാഹനത്തിന്റെ പ്രാരംഭ പതിപ്പിന് 8.99 ലക്ഷം രൂപയാണ് എക്സ്ഷോറൂം വില. അതേസമയം ഉയര്ന്ന പതിപ്പിന് 16.99 ലക്ഷം രൂപയും എക്സ്ഷോറൂം വിലയായി നല്കണം.
