പ്രേക്ഷകരുടെ പ്രിയ താരമാണ് ദുല്ഖര് സല്മാന്. മലയാളത്തിന്റെ സ്വന്തം താരപുത്രനും ഗ്ലാമര് താരവുമായ ദുല്ഖര് നായകനാകുന്ന റോഷന് ആന്ഡ്രൂസ് ചിത്രമാണ് ‘സല്യൂട്ട്’. റിലീസ് ചെയ്തത് ദിവസങ്ങള്ക്കുള്ളില് തന്നെ ഏറെ പ്രേക്ഷക സ്വീകാര്യത നേടിയ ചിത്രം കൂടിയാണിത്. ചിത്രത്തില് പൊലീസ് ഓഫീസറുടെ വേഷത്തില് എത്തിയ ദുല്ഖര് അസാധ്യമായ പ്രകടനമായിരുന്നു എന്നാണ് പ്രേക്ഷകരുടെ അഭിപ്രായം. ബോളിവുഡ് താര റാണിയായ ഡയാന പെന്റിയാണ് ഈ സിനിമയില് നായികവേഷത്തിലെത്തുന്നുണ്ട്. ഇപ്പോഴിതാ സിനിമയുടെ ചിത്രീകരണത്തിനിടെ നടന്ന രസകരമായ ഒരു വീഡിയോ പങ്കുവെച്ചിരിക്കുകയാണ് നായികയായ ഡയാന പെന്റി. തന്നെ ദുല്ഖര് മലയാളം പഠിപ്പിക്കുന്ന വീഡിയോയാണ് താരം ഷെയര് ചെയ്തിരിക്കുന്നത്.
മലയാളത്തിലെ ചില നാക്ക് കുഴക്കുന്ന ചോദ്യങ്ങളാണ് ദുല്ഖര് ചോദിക്കുന്നതും താരത്തെ പരീക്ഷിക്കുന്നതും അവ ഏറ്റുപറഞ്ഞ് പിടിച്ചുനില്ക്കാന് ശ്രമിക്കുന്നതുമായ രസകരമായ വീഡിയോയാണ് ഡയാന ഇന്സ്റ്റ ഗ്രാമിലൂടെ പങ്കുവച്ചത്.‘‘പേര് മണി, പണി മണ്ണു പണി ’’ എന്ന് നാക്ക് കുഴയാതെ ആവര്ത്തിക്കാന് ദുല്ഖര് ഡയാനയോട് ആവശ്യപ്പെടുന്നതും താരം ഏറെ പരിശ്രമിച്ച് കൊണ്ട് അവ ഏറ്റു പറയാന് ശ്രമിക്കുന്നതും വീഡിയോയില് കാണാം. ആലപ്പുഴ എന്ന് വളരെ വ്യക്തമായി പറയാന് ദുല്ഖര് പറയുന്നത് വീഡിയോയിലുണ്ട്. ‘‘മലയാളം നാവ് വളച്ചൊടിക്കുന്നു ലോകത്തിൽ മറ്റെന്തിനെക്കാളും ! സല്യൂട്ട്, എന്റെ ആദ്യത്തെ മലയാളം സിനിമയാണ്. ഇത് ഒരു പ്രത്യേക അനുഭവമാക്കിയതിന് അത്ഭുതകരമായdqsalmaan, rosshanandrews എന്നിവർക്ക് നന്ദി. ഒപ്പം അവിശ്വസനീയമായ അഭിനേതാക്കൾക്കും അണിയറപ്രവർത്തകർക്കും വളരെ മനോഹരമായി അടുത്ത തവണ വരെ…’’ എന്നാണ് വീഡിയോയ്ക്കൊപ്പം താരം കുറിച്ചത്. സല്യൂട്ട്, തന്റെ ആദ്യത്തെ മലയാളം സിനിമയാണെന്നും അതിന് ദുല്ഖര് സല്മാനോടും റോഷന് ആന്ഡ്രൂസിനോടും ഡയാന പെന്റി നന്ദി പറയുന്നുണ്ട്.
സല്യൂട്ടില് ദുല്ഖര് സല്മാനൊപ്പം, മനോജ് കെ ജയന്, സാനിയ ഇയ്യപ്പന് എന്നിവരും പ്രധാന വേഷത്തിലെത്തുന്നു. മിസ്റ്ററി ത്രില്ലര് ഗണത്തില് പെട്ട ഈ ഒരു സിനിമ അവസാന നിമിഷം വരെ പ്രേക്ഷകരെ പിടിച്ചിരുത്തിയിരുന്നു. ഡയാനയുടെയും ദുല്ഖറിന്റെയും ഈ ഒരു വീഡിയോ നിമിഷ നേരം കൊണ്ട് സമൂഹ മാധ്യമങ്ങളില് വൈറലായി മാറി. നിരവധി പേരാണ് പ്രതികരണങ്ങളുമായി എത്തുന്നത്.
