ഇരുപത്തിയൊന്ന് വര്ഷത്തെ പ്രവര്ത്തനത്തിനിടെ കമ്പനിയുടെ കയറ്റുമതി 30 ലക്ഷം കടന്നതായി ജാപ്പനീസ് നിര്മാതാക്കളായ ഹോണ്ട മോട്ടോര്സൈക്കിള് ആന്ഡ് സ്കൂട്ടര് ഇന്ത്യ (HMS-I). ബ്രാന്ഡ് നിരയില് നിന്നുള്ള ഡിയോയുടെ നേതൃത്വത്തിലാണ് ഈ നേട്ടം കൈവരിച്ചത്. അടുത്തിടെ പുറത്തിറക്കിയ ഹോണ്ട നവി, ഇന്ത്യയില് വില്പ്പന കുറഞ്ഞതോടെ രാജ്യത്തെ വില്പ്പന അവസാനിപ്പിച്ചിരുന്നു. എന്നാല് സമീപ മാസങ്ങളില് ഹോണ്ടയുടെ ഏറ്റവും മികച്ച കയറ്റുമതി എന്ന നിലയില് വലിയ ഡിമാന്ഡാണ് ഈ വാഹനത്തിന് ലഭിക്കുന്നത്.
2001ല് ആക്ടിവയുമായി കയറ്റുമതി പ്രവര്ത്തനങ്ങള് ആരംഭിച്ചു. കാലക്രമേണ, ഹോണ്ട അതിന്റെ കയറ്റുമതി പോര്ട്ട്ഫോളിയോ വിപുലീകരിച്ചു. 2001-ല് ആക്ടിവയില് തുടങ്ങിയ ഹോണ്ട ഇപ്പോള് 18 മോഡലുകളാണ് കയറ്റുമതി ചെയ്യുന്നത്. ആക്ടിവയുടെ പിന്തുണയോടെ ആഭ്യന്തര വിപണിയിലെ ഹോണ്ടയുടെ പ്രകടനം വില്പ്പന പട്ടികയില് കമ്പനിയെ സുരക്ഷിതമായി രണ്ടാം സ്ഥാനത്തെത്തി. കയറ്റുമതി വിപണിയിലെ അംഗീകാരങ്ങള് ഹോണ്ട ഡിയോയ്ക്ക് വേണ്ടി നിക്ഷിപ്തമാണ്. ഉല്പ്പന്ന പോര്ട്ട്ഫോളിയോ വിപുലീകരണം മാത്രമല്ല, ആഗോള കാല്പ്പാടിലെ വര്ദ്ധനവും വളര്ച്ചയെ മുന്നോട്ട് നയിച്ചവെന്ന് കമ്പനി വ്യക്തമാക്കുന്നു. 2016-ല് 15 ലക്ഷം നാഴികക്കല്ല് പിന്നിട്ടു.
കമ്പനിയുടെ അടുത്ത 15 ലക്ഷം കയറ്റുമതി കഴിഞ്ഞ അഞ്ച് വര്ഷത്തിനുള്ളില് മാത്രമാണ് ഉണ്ടായത്, മുമ്പത്തേതിനേക്കാള് മൂന്നിരട്ടി വര്ധിച്ചുവെന്ന് വേണമെങ്കില് പറയാം. കമ്പനിയുടെ ഇന്ത്യന് നിര്മ്മിത മോഡല് ശ്രേണി വിദേശത്ത് ജനപ്രീതി കണ്ടെത്തുന്നത് തുടരുന്ന സമയത്താണ് കയറ്റുമതിയിലെ കുതിച്ചുചാട്ടം. നവി, ഡിയോ, എക്സ്-ബ്ലേഡ്, ഡ്രീം, CB ഷൈന്, ഹോര്നെറ്റ്, യൂണികോണ്, ആക്ടീവ, കൂടാതെ CB350 ഹൈനസ് എന്നിവയും ഹോണ്ട അടുത്തിടെ ഇന്ത്യയില് നിന്ന് കയറ്റുമതി ചെയ്ത മുന്നിര ഇരുചക്രവാഹനങ്ങളില് ഉള്പ്പെടുന്നു.
