ഹിറ്റ് ചിത്രമായ കെജിഎഫിന്റെ രണ്ടാം പതിപ്പ് ഉടന് പുറത്തിറങ്ങും എന്ന വാര്ത്തയ്ക്ക് പിന്നാലെ റോക്കിയുടെ ആരാധകര്ക്ക് മറ്റൊരു സന്തോഷവാര്ത്ത കൂടി. കെജിഎഫ് ചാപ്റ്റര് രണ്ടിന് ആവേശം കൂട്ടാനായി കെജിഎഫ് ചാപ്റ്റര് ഒന്ന് വീണ്ടും റീറിലീസിന് ഒരുങ്ങുകയാണ്. രാജ്യത്തെ പ്രധാന നഗരങ്ങളിലെ തെരഞ്ഞെടുത്ത തിയേറ്ററുകളില് കെജിഎഫ് ചാപ്റ്റര് ഒന്ന് ആവേശത്തോടെ ഒരിക്കല് കൂടി കാണാം. കുറഞ്ഞ നിരക്ക് മാത്രമേ പ്രദര്ശനത്തിന് ഈടാക്കുകയുളളുവെന്നും ചിത്രത്തിന്റെ അണിയറ പ്രവര്ത്തകര് അറിയിച്ചു. ഏപ്രില് 14 നാണ് കെജിഎഫ് ചാപ്റ്റര് ഒന്ന് റീറിലീസ് ചെയ്യുക.
ജൂലൈ 16 നാണ് കെജിഎഫ് ചാപ്റ്റര് രണ്ട് റിലീസ് ചെയ്യുന്നത്. പൃഥ്വിരാജ് പ്രൊഡക്ഷന്സാണ് കേരളത്തില് ചിത്രം വിതരണം ചെയ്യുന്നത്. പ്രശാന്ത് നീല് സംവിധാനം ചെയ്ത ചിത്രത്തില് കേന്ദ്രകഥാപാത്രമായി എത്തുന്നത് യഷ് ആണ്. കന്നഡയില് നിര്മിക്കുന്ന ചിത്രം ഹിന്ദി, മലയാളം, തമിഴ്, തെലുങ്ക് ഭാഷകളിലേക്കും മൊഴിമാറ്റം ചെയ്തു. ചിത്രത്തില് വില്ലന് വേഷമായ അധീരയെ അവതരിപ്പിക്കുന്നത് ണ്ബാളിവുഡ് താരം സഞ്ജയ് ദത്താണ്. ചിത്രത്തില് സ്രിനിധി ദേശായ്, ആനന്ത് നാഗ്, മാളവിക അവിനാശ്, പ്രകാശ് രാജ്, രവീണ ടാന്ഡന് എന്നിവരും പ്രധാന വേഷങ്ങളില് എത്തുന്നുണ്ട്.
