ബോളിവുഡ് താരങ്ങളെല്ലാം ആരാധകര്ക്കെല്ലാം ഹനുമാന് ജയന്തി ആശംസകള് സോഷ്യല് മീഡിയ വഴി അറിയിക്കുന്നുണ്ട്. ഹനുമാൻ ഭക്തർ ഈ ദിവസം ഭഗവാനെ പ്രാർത്ഥിക്കുകയും അനുഗ്രഹം തേടി ക്ഷേത്രങ്ങളിൽ എത്തുകയും ചെയ്യാറുണ്ട്. പലരും ഈ പ്രത്യേക ദിനത്തിൽ വ്രതമോ ഉപവാസമോ ആചരിക്കാറുമുണ്ട്. കെ.ജി.എഫ് 2 ന്റെ വിജയത്തിളക്കത്തില് നില്ക്കുന്ന ബോളിവുഡ് താരം സഞ്ജയ് ദത്തും ആരാധകര്ക്ക് ആശംസകളറിയിച്ചിട്ടുണ്ട്.
‘‘എല്ലാ സന്തോഷവും ഹനുമാന് സ്വാമി നിങ്ങളിലൂടെയാണ്, നിങ്ങൾ എല്ലാം കാത്തുസൂക്ഷിക്കുമ്പോള് പിന്നെ എന്തിന് ഭയപ്പെടണം. ജയ് ഹനുമാൻ.
ഹനുമാൻജിയുടെ ശക്തി നിങ്ങൾക്കെല്ലാവർക്കും ഉണ്ടാകട്ടെ. എല്ലാവർക്കും ഹനുമാൻ ജയന്തി ആശംസകൾ!.’’ ഈ ക്യാപ്ഷനൊപ്പം ഹനുമാന് സ്വാമിയുടെ ചിത്രവും ഒപ്പം സഞ്ജയ് ദത്തിന്റെ വര്ക്കൗട്ട് ചിത്രവും ഷെയര് ചെയ്തിട്ടുണ്ട്.
ബോളിവുഡിന്റെ സ്വന്തം സഞ്ജുബാബ പണ്ടു മുതലേ ഹനുമാന് ഭക്തനാണ്. പണ്ടു മുതലേ ബോളിവുഡ് ആരാധകരുടെ സൂപ്പര് ഹീറോയാണ് സഞ്ജയ് ദത്ത്. ഇപ്പോഴും സഞ്ജു ബാബ തിളങ്ങുകയാണ്. കെ.ജി.എഫ് 2 ലെ വില്ലന് വേഷത്തിലൂടെയും താരം ആരാധകരെ ആവേശപ്പെടുത്തുകയാണ്.
