യഷിനെ നായകനാക്കി പ്രശാന്ത് നീല് സംവിധാനം ചെയ്ത കെ.ജി.എഫ്. ചാപ്റ്റര് 2 സര്വ്വകാല റെക്കോഡുകളും തകര്ത്ത് ഇന്ത്യയൊട്ടാകെ പ്രദര്ശനം തുടരുകയാണ്. കര്ണാടകയില് മാത്രം ഒതുങ്ങി നിന്നിരുന്ന കന്നട സിനിമയെ അതിര്ത്തികള്ക്കപ്പുറം കൊണ്ടുപോയി വലിയ തരംഗം സൃഷ്ടിച്ചിരിക്കുകയാണ് പ്രശാന്ത് നീല്.
ഇപ്പോളിതാ ഇന്ത്യന് പ്രീമിയര് ലീഗ് ടീമായ റോയല് ചലഞ്ചേഴ്സ് ബാംഗ്ലൂരിന് വേണ്ടി ബയോ ബബിളില് ചിത്രത്തിന്റെ പ്രത്യേക പ്രദര്ശനവും നടന്നിരുന്നു. കഴിഞ്ഞ ദിവസം രാത്രി നടന്ന സ്ക്രീനിംഗില് നിലവില് ഇന്ത്യന് പ്രീമിയര് ലീഗിന്റെ ഭാഗമായ നിരവധി താരങ്ങള് പങ്കെടുത്തു. റോയല് ചലഞ്ചേഴ്സ് ബാംഗ്ലൂരിന്റെ ഔദ്യോഗിക ട്വിറ്റര് പേജില് ചിത്രം കണ്ട താരങ്ങളുടെ അഭിപ്രായങ്ങള് പങ്കുവെക്കുകയും ചെയ്തട്ടുണ്ട്.
