മലയാളികള്ക്ക് നെഞ്ചിലേറ്റി പ്രിയപ്പെട്ടതാക്കിയ ഒരു സിനിമയായിരുന്നു സിബി മലയില് സംവിധാനം ചെയ്ത ‘സമ്മര് ഇന് ബേത്ലഹേം’. ഇന്നും കാഴ്ചക്കാരെ പിടിച്ചിരുത്തുന്ന സിനിമയാണ് 1998 ല് പുറത്തിറങ്ങിയ താരസമൃദ്ധമായ ഈ ചിത്രം. ആ സിനിമ കണ്ടവര് എല്ലാം തന്നെ അതിന്റെ രണ്ടാം ഭാഗത്തിനു വേണ്ടി പ്രതീക്ഷിച്ചതാണ്. ക്ലൈമാക്സില് പൂച്ചയെ പറഞ്ഞു വിടുന്ന പെണ്കുട്ടി ആരെന്നറിയാന് എല്ലാവരും ആകാംക്ഷയോടെ കാത്തിരുന്നതാണ്.
ഇപ്പോഴിതാ ചിത്രവുമായി ബന്ധപ്പെട്ടുള്ള ഒരു റിപ്പോര്ട്ടാണ് പുറത്ത് വരുന്നത്. മഞ്ജു വാര്യരും ജയസൂര്യയും പ്രധാനവേഷത്തിലെത്തുന്ന ‘മേരി ആവാസ് സുനോ’ എന്ന ചിത്രത്തിന്റെ ഓഡിയോ ലോഞ്ചിലാണ് രണ്ടാം ഭാഗത്തെ കുറിച്ച് നിര്മാതാവ് സിയാദ് കോക്കര് പ്രഖ്യാപിച്ചത്.
‘മഞ്ജുവും താനും ഒരു കുടുംബം പോലെയാണെന്നും താരത്തിനോടൊപ്പം ഒരു ചിത്രം മാത്രമാണ് ചെയ്യാന് സാധിച്ചിട്ടുള്ളത്. സമ്മര് ഇന് ബത്ലഹേം രണ്ടാം ഭാഗത്തില് മഞ്ജുവും ഉണ്ടായിരിക്കും.’ സിയാദ് കൂട്ടിച്ചേര്ത്തു. ചിത്രത്തെ കുറിച്ചുള്ള കൂടുതല് വിവരം പങ്കുവെച്ചിട്ടില്ല. വരും ദിവസങ്ങളില് കാസ്റ്റും മറ്റ് കാര്യങ്ങളും അറിയാന് സാധിക്കുമെന്നാണ് പ്രതീക്ഷ. ‘സമ്മര് ഇന് ബേത്ലഹേമിന്റെ’ രണ്ടാം ഭാഗം പ്രേക്ഷകരില് ആവേശം സൃഷ്ടിച്ചിട്ടുണ്ട്.
മഞ്ജു വാര്യര്, സുരേഷ് ഗോപി, ജയറാം എന്നിങ്ങനെ പ്രേക്ഷകരുടെ പ്രിയതാരങ്ങള് ഒന്നിച്ച ചിത്രത്തില് മോഹന്ലാല് അതിഥിവേഷത്തിലും എത്തിയിരുന്നു. രഞ്ജിത്തിന്റെ തിരക്കഥയില് സിബി മലയിലാണ് ചിത്രം സംവിധാനം ചെയ്തത്. സിനിമ ഇറങ്ങി 24ാം വര്ഷത്തിലേക്ക് കടക്കുമ്പോഴും പ്രേക്ഷക മനസില് ചിത്രത്തോടുള്ള പ്രിയം മാഞ്ഞിട്ടില്ല. സിനിമ ഇറങ്ങിയത് മുതല് രണ്ടാം ഭാഗമെത്തുമോ എന്ന ചോദ്യം പ്രേക്ഷകര് ചോദിച്ചിരുന്നു.
മഞ്ജു വാര്യര്- ജയസൂര്യ പ്രധാന വേഷത്തില് എത്തുന്ന ‘മേരി ആവാസ് സുനോ’ മെയ് 13നാണ് എത്തുന്നത്. ചിത്രത്തില് റേഡിയോ ജോക്കിയുടെ വേഷത്തിലാണ് ജയസൂര്യ എത്തുന്നത്. മഞ്ജുവാര്യരുടെ കഥാപാത്രം ഡോക്ടറാണ്. ശിവദയും പ്രധാനവേഷത്തില് എത്തുന്ന ചിത്രത്തില് ജോണി ആന്റണി, ഗൗതമി നായര്, സോഹന് സീനുലാല്, സുധീര് കരമന,ജി.സുരേഷ് കുമാര്, ദേവി അജിത്, മിഥുന് വേണുഗോപാല് എന്നിവരും അഭിനയിച്ചിരിക്കുന്നു. പ്രമുഖ സംവിധായകരായ ശ്യാമപ്രസാദും ഷാജി കൈലാസും അതിഥി വേഷത്തിലെത്തുന്നുണ്ട്.
