പതിറ്റാണ്ടുകളുടെ അഭിനയ പരിചയമുള്ള അനുപം ഖേര് ഇന്നും സിനിമാമേഖലയില് തിരക്കുള്ള താരമാണ്. സോഷ്യല് മീഡിയയില് പലപ്പോഴും അദ്ദേഹം പങ്കുവയ്ക്കാറുള്ള പോസ്റ്റുകള് വളരെ രസകരവും ഏറെ ശ്രദ്ധ നേടുന്നതുമാകാറുണ്ട്. വ്യത്യസ്തമായ പോസ്റ്റുകളോ ചിത്രങ്ങളോ വീഡിയോകളോ എല്ലാം പങ്കുവയ്ക്കുന്ന താരങ്ങള് പൊതുവേ കുറവാണ്. ഇക്കാര്യത്തില് മുന്നിലാണ് ബോളിവുഡ് താരം അനുപം ഖേര്. തികച്ചും സാധാരണക്കാരായവരുടെ വീഡിയോകള് താരം പങ്കുവയ്ക്കാറുണ്ട്.
ഇപ്പോഴിതാ മുംബൈയിലെ തെരുവില് സ്കൂട്ടറിൽ സഞ്ചരിക്കുന്ന ഒരു കുടുംബവുമായുള്ള കണ്ടുമുട്ടലില് നിന്നുള്ള ഒരു മധുര വീഡിയോ അനുപം ഖേർ പങ്കിട്ടിരിക്കുകയാണ്. പെരുന്നാൾ ദിനത്തിൽ, ഈദിന്റെ തലേന്ന് വിനോദയാത്രയിലായിരുന്ന ഒരു കുടുംബവുമായുള്ള കൂടിക്കാഴ്ചയുടെ വീഡിയോയാണിത്. സ്കൂട്ടറിൽ യാത്ര ചെയ്യുന്നതിനിടെ അൽപ്പനേരം നിർത്തിയ അദ്ദേഹം അവരുമായി ചെറിയ സംഭാഷണം നടത്തി.
നാലംഗ കുടുംബം സഞ്ചരിക്കുന്ന സ്കൂട്ടറിന് സമീപം അനുപമിന്റെ കാർ നിർത്തുന്നത് വീഡിയോയിൽ കാണാം. വിവാഹിതരായ ദമ്പതികൾ അവരുടെ രണ്ട് കുട്ടികൾക്കൊപ്പമാണ് സ്കൂട്ടറില് സഞ്ചരിക്കുന്നത്. സ്കൂട്ടർ ഓടിക്കുന്നയാൾ അനുപമിനെ കാണുമ്പോൾ, അയാൾ അനുപം ഖേറിനു നേരെ കൈവീശി വിഷ് ചെയ്യുന്നു. നടൻ തന്റെ ഗ്ലാസ് താഴ്ത്തി അവരോട് ചോദിക്കുന്നു, “ക്യാ ഹാൽ ഹെ (എങ്ങനെയുണ്ട്)?” അവരുടെ ഔട്ടിംഗ്, കുട്ടികളുടെ പേരുകൾ, അവരുടെ താമസസ്ഥലം, ഇപ്പോൾ എവിടെയാണ് ജോലി ചെയ്യുന്നത് എന്നിവയെ കുറിച്ച് താരം അവരോട് ചോദിക്കുന്നത് വീഡിയോയിലുണ്ട്.
ഇടയ്ക്ക് അവരുടെ വീഡിയോ എടുത്ത് പോസ്റ്റ് ചെയ്യട്ടെ എന്നും അനുപം ഖേര് ചോദിക്കുന്നുണ്ട്. അവരും തിരിച്ച് സെല്ഫി എടുക്കുന്നത് വീഡിയോയില് കാണാം. അവസാനം ‘‘കൊള്ളാം, ചെറിയ കുടുംബം സന്തുഷ്ട കുടുംബമാണ്. നിങ്ങളെല്ലാവരും മനോഹരമായി കാണപ്പെടുന്നു, നിങ്ങളുടെ പുഞ്ചിരി നന്നായി കാണപ്പെടുന്നു (അരേ വാ, ഛോട്ടാ പരിവാർ, സുഖി പരിവാർ. അജേ ലഗ് രഹേ ഹോ, സബ്കി പുഞ്ചിരി കിത്നി അജി ലഗ് റി ഹേ)’’ എന്ന് പറഞ്ഞാണ് സംഭാഷണം അവസാനിപ്പിക്കുന്നത്. ഒപ്പം അവര് പരസ്പരം ‘ഈദ് മുബാറക്ക്’ എന്നും പറയുന്നുണ്ട്.
വീഡിയോ പങ്കിട്ടുകൊണ്ട് അനുപം എഴുതി, “മുംബൈയിലെ തെരുവുകളിലെ മനോഹരമായ കണ്ടുമുട്ടല്: ഈ മധുരകുടുംബവുമായി ഒരു ഹ്രസ്വ സംവാദം നടത്തിയത് വളരെ അത്ഭുതകരമായിരുന്നു. മുഝേ ബഹുത് അജ്ഹ ലഗാ ഉങ്കോ മിൽകർ. ഉൻഹേ ഭി ഷയാദ് അജ്ഹ ഹി ലഗാ. സർവ്വശക്തൻ അവര്ക്ക് എപ്പോഴും സന്തോഷം മാത്രം നല്കട്ടെ. #സന്തോഷം #സന്തോഷം #കുടുംബം #സന്തോഷകരമായ സംഭാഷണങ്ങൾ.’’ എന്നാണ്.
തിയറ്ററുകളിൽ റിലീസ് ചെയ്തതിന് ശേഷം 300 കോടിയിലധികം കളക്ഷൻ നേടിയ തന്റെ ചിത്രമായ ദി കാശ്മീർ ഫയൽസിന്റെ വിജയത്തിലാണ് അനുപം ഖേർ ഇപ്പോൾ. ഉഞ്ചൈ എന്ന ചിത്രത്തിന്റെ ഷൂട്ടിംഗ് അടുത്തിടെ അനുപം പൂർത്തിയാക്കിയിരുന്നു. സൂരജ് ബർജാത്യ സംവിധാനം ചെയ്യുന്ന ചിത്രത്തിൽ അമിതാഭ് ബച്ചൻ, പരിനീതി ചോപ്ര, സരിക, നീന ഗുപ്ത, ബൊമൻ ഇറാനി എന്നിവരും അഭിനയിക്കുന്നു
