പല സ്ത്രീകള്ക്കും പ്രചോദനമാണ് മഞ്ജു വാര്യര്. അഭിനയത്തില് പകരം വയ്ക്കാനില്ലാത്ത അഭിനയമികവിന് ഉടമ. വ്യക്തി ജീവിതത്തില് എങ്ങിനെ ഏത് വിഷയത്തെയും സംയമനത്തോടെ അഭിമുഖീകരിക്കാം എന്ന് കാണിച്ചു തരുന്ന വനിത. അത്തരത്തില് മഞ്ജു വാര്യരെ ഇഷ്ടപ്പെടുന്നവര് ഒരുപാടാണ്.
തന്റെ ജീവിതം കൊണ്ടും വളരെ പോസിറ്റീവ് ആയിട്ടുള്ള കാര്യങ്ങള് പങ്കുവയ്ക്കാനാണ് മഞ്ജു വാര്യര് ആഗ്രഹിയ്ക്കുന്നത്. അഭിമുഖങ്ങളില് ആയാലും, മറ്റ് പൊതു വേദികളില് ആയാലും പോസിറ്റീവ് ആയ കാര്യങ്ങളാണ് മഞ്ജു പങ്കുവയ്ക്കുന്നത്. സോഷ്യല് മീഡിയയില് പ്രത്യേകിച്ചും.
മഞ്ജു വാര്യര് പങ്കുവച്ച ഏറ്റവും പുതിയ സോഷ്യല് മീഡിയ പോസ്റ്റുകളാണ് ഇപ്പോള് വൈറലാവുന്നത്. ജീന്സും ടോപ്പും ഇട്ട് കണ്ണാടിയ്ക്ക് മുന്നില് നില്ക്കുന്ന ഫോട്ടോയ്ക്കൊപ്പമാണ് മഞ്ജു വാര്യരുടെ പോസ്റ്റ്. സെലിബ്രിറ്റി ഹെയര്സ്റ്റൈലിസ്റ്റ് സഹോദരങ്ങളായ സജിത്തും സുജിത്തുമാണ് ഫോട്ടോ എടുത്തിരിയ്ക്കുന്നത്.
ഫോട്ടോയ്ക്ക് മഞ്ജു നല്കിയിരിയ്ക്കുന്ന ക്യാപ്ഷനാണ് പ്രചോദനാ പരം. 'ജീവിതം മാറ്റി മറിക്കാന് വേണ്ടി ഒരാള് വരും എന്ന് നിങ്ങള് തിരയുകയാണ് എങ്കില് കണ്ണാടി നോക്കുക' എന്നാണ് മഞ്ജു നല്കിയിരിയ്ക്കുന്ന ക്യാപ്ഷന്. ഏതൊരു സാഹചര്യത്തിലും നമ്മളെ മാറ്റി മറിക്കാന് നമുക്ക് മാത്രമേ കഴിയൂ എന്ന് മഞ്ജു പറയുന്നു. സ്വയം മോട്ടീവേറ്റ് ചെയ്ത് തന്നെയാണ് മഞ്ജു വാര്യര് പ്രതിസന്ധികളെ തരണം ചെയ്ത് ഇവിടെ വരെ എത്തിയത് എന്ന് സാരം.
മഞ്ജുവിന്റെ ക്യാപ്ഷനെയും ഫോട്ടോയിലെ സൗന്ദര്യത്തെയും പ്രശംസിച്ച് ശിവദ, രചന നാരായണന് കുട്ടി അടക്കമുള്ള നിരവധി പേരാണ് കമന്റുകളുമായി വന്നിരിയ്ക്കുന്നത്. മാനസികമായി നിങ്ങള് പലരെയും മാറ്റി മറിച്ചിട്ടുണ്ട് എന്ന് ആണ് ഒരാള് കമന്റ് എഴുതിയിരിയ്ക്കുന്നത്. മഞ്ജു വാര്യരുടെ പ്രായം പിന്നോട്ട് പോകുന്നു എന്നാണ് തെലുങ്ക് ആരാധകന് പറഞ്ഞിരിയ്ക്കുന്നത്.
