മലയാളത്തില് ചോക്ലേറ്റ് ഹീറോയായി കരിയര് തുടങ്ങിയ അഭിനേതാവാണ് കുഞ്ചാക്കോ ബോബന്. മലയാള സിനിമാ ചരിത്രത്തിലെ എക്കാലത്തേയും ഹിറ്റുകളിലൊന്നായ അനിയത്തി പ്രാവ് എന്ന സിനിമയിലൂടെയാണ് കുഞ്ചാക്കോ ബോബന് സിനിമാ പ്രേമികള്ക്ക് പ്രിയങ്കരനാകുന്നത്. ആദ്യ സിനിമ വിജയിച്ചതോടെ കോളജ് നായകനായി ഒരുപിടി സിനിമകള് കഥാപാത്രങ്ങളും തന്റെ ആരാധകര്ക്ക് സമ്മാനിച്ചു. പിന്നീട് സീരിയസ് വേഷങ്ങളിലേക്ക് ചാക്കോച്ചന് മാറിയപ്പോഴും പ്രേക്ഷകര് ഇരുകൈയും നീട്ടി സ്വീകരിച്ചു. പ്രണയനായകനായി തിളങ്ങിയ ചാക്കോച്ചന്റെ വിവാഹവും പ്രണയത്തിലൂടെയായിരുന്നു. സിനിമാതാരമല്ലെങ്കിലും ചാക്കോച്ചന്റെ ഭാര്യ പ്രിയയും പ്രേക്ഷകര്ക്ക് പ്രിയങ്കരിയാണ്. ഇരുവരുടെയും മകനും പ്രേക്ഷകര്ക്ക് സ്വന്തമാണ്. സോഷ്യല് മീഡിയയില് സജീവമായ ചാക്കോച്ചന് തന്റെ എല്ലാ വിശേഷങ്ങളും പ്രേക്ഷകരുമായി ഇതിലൂടെ പങ്കുവയ്ക്കാറുണ്ട്.
ഇപ്പോഴിതാ ഭാര്യയ്ക്കൊപ്പമുള്ള പ്രണയാതുരമായ ഒരു ചിത്രമാണ് ചാക്കോച്ചന് ഇന്സ്റ്റഗ്രാമില് പങ്കുവച്ചിരിക്കുന്നത്. എപ്പോഴും റൊമാന്റിക് ആയിരിക്കുക എന്നാണ് പ്രിയതമയ്ക്കൊപ്പമുള്ള ഫോട്ടോയ്ക്ക് ക്യാപ്ഷനായി നടന് കുറിച്ചിരിക്കുന്നത്. ഒപ്പം ആഷാ ബോണ്സ്ലെയുടെ ഹിറ്റ് ഗാനമായ ‘ജവാനി ജാനേമന്’ എന്ന പാട്ടും പശ്ചാത്തലത്തില് കൊടുത്തിട്ടുണ്ട്. ‘ഓ പ്രിയേ. എന്റെ മകന്റെ അമ്മ. ലൈഫ് ലൈന്’ എന്നീ ഹാഷ്ടാഗുകളും താരം ഫോട്ടോയ്ക്ക് നല്കിയിട്ടുണ്ട്.
ചിത്രത്തിന് താഴെ രമേഷ് പിഷാരടിയും ടൊവിനോയും ദുല്ഖര് സല്മാനും ഷെഫ് പിള്ളയുമൊക്കെ കമന്റ് കൊടുത്തിട്ടുണ്ട്. അതില് ദുല്ഖറിന്റെ കമന്റ് ആരാധകര് ഏറ്റെടുത്തിരിക്കുകയാണ്. ‘‘ഉഫ്..! നോ രക്ഷ..!’’ എന്നാണ് ദുല്ഖറിന്റെ കമന്റ്. അതിനു മറുപടിയായി ഡി.ക്യു ബോയ് എന്ന് ചാക്കോച്ചനും കൊടുത്തിട്ടുണ്ട്.
