ഉലകനായകന് കമല്ഹാസനൊപ്പം അന്നുമിന്നും പ്രേക്ഷകര് നെഞ്ചിലേറ്റിയ താരമാണ്. ഓരോ ചിത്രങ്ങളിലും താരമെത്തുന്നത് വ്യത്യസ്ത ഔട്ട്ലുക്കിലുടെയാണ്. കമല്ഹാസന്റെ ഏറ്റവും പുതിയ ചിത്രമായ ‘വിക്രം’ സംവിധാനം ചെയ്യുന്നത് ലോകേഷ് കനകരാജാണ്. സിനിമ പൂര്ത്തിയായതിന്റെ ആഘോഷത്തിന്റെ വീഡിയോ സാമൂഹ്യമാധ്യമങ്ങളില് പ്രചരിച്ചിരുന്നു. കമല്ഹാസനൊപ്പം അഭിനയിക്കുന്നത് ഭാഗ്യമായിട്ടാണ് പല താരങ്ങളും പറയാറുള്ളത്. ഒരുകാലത്ത് മലയാളത്തിലും തമിഴിലും തിളങ്ങി നിന്ന ലിസിയും തന്റെ ഓര്മ്മകള് സോഷ്യല് മീഡിയയിലൂടെ പങ്കുവച്ചിരിക്കുകയാണ്. 17 വയസ്സുള്ള സമയത്താണ് ലിസ്സി ലക്ഷ്മി കമല് ഹാസന്റെ നായികയായി വിക്രമില് അഭിനയിച്ചത്. ‘വിക്രം’ എന്ന പുതിയ ചിത്രത്തിലൂടെ പഴയ സിനിമയുടെ ഓര്മ്മകളാണ് ലിസ്സി പങ്കുവച്ചിരിക്കുന്നത്. ആദ്യ വിക്രമില് നിന്ന് തീര്ത്തും വ്യത്യസ്തമാണ് പുതിയ സിനിമയുടെ വിഷയം.സിനിമയില് ഒരു വേഷം ലഭിക്കാത്തതില് നിരാശയുണ്ടെങ്കിലും, വിക്രമിന്റെ ശബ്ദ റെക്കോര്ഡിംഗ് ലിസ്സി ലക്ഷ്മി സ്റ്റുഡിയോയില് ചെയ്തതില് താന് അഭിമാനിക്കുന്നുവെന്ന് താരം പറയുന്നു.
‘‘ അന്നും ഇന്നും..!! വർഷങ്ങൾക്ക് ശേഷം കമൽ സാർ വീണ്ടും വിക്രം എന്ന സിനിമ ചെയ്യുന്നു !!! ആദ്യ വിക്രമിൽ നിന്ന് തീർത്തും വ്യത്യസ്തമാണ് പുതിയ സിനിമയുടെ വിഷയം. യഥാർത്ഥ വിക്രമിന്റെ നായികമാരിൽ ഒരാളായിരുന്നു ഞാൻ!! ഈ സിനിമയിൽ ഒരു വേഷം ലഭിക്കാത്തതിൽ നിരാശയുണ്ടെങ്കിലും, ലിസ്സി ലക്ഷ്മി സ്റ്റുഡിയോയിൽ വിക്രമിന്റെ ശബ്ദ റെക്കോർഡിംഗ് നടന്നതിൽ ഞാൻ അഭിമാനിക്കുന്നു!! കമൽ സാറും പുതിയ വിക്രം ടീമും എന്റെ സ്റ്റുഡിയോയിൽ ഉണ്ടായിരുന്നു എന്നത് തീർച്ചയായും എന്റെ അഭിമാന നിമിഷങ്ങളിൽ ഒന്നായിരുന്നു !!! വിക്രം!! എന്തൊരു അനുഭവമായിരുന്നു!!! ലൊക്കേഷനിൽ മുഴുവൻ ടീമിനൊപ്പം ഞാൻ എന്റെ പതിനേഴാം ജന്മദിന കേക്ക് മുറിച്ചു !! ഇന്ത്യയിലെ ആദ്യത്തെ ബോണ്ട് സിനിമ, രാജസ്ഥാനിലെ ഷൂട്ടിംഗ്, ഇന്ത്യയിലെ ഏറ്റവും മികച്ച സൂപ്പർ സ്റ്റാറുകളിൽ ഒരാളുമായി (സിനിമയുടെ നിർമ്മാതാവ് കൂടിയായിരുന്നു) അഭിനയിക്കുന്നത്, ഒപ്പം ഗ്രീക്ക് ദേവതയെപ്പോലെ തോന്നിക്കുന്ന ഡിംപിളും, ഞാൻ പങ്കെടുത്ത ഏറ്റവും വലിയ ക്രൂ !! 17 വയസ്സുള്ള ഒരു സ്കൂൾ പെൺകുട്ടിക്ക് ഇത് ആദ്യം ഭയപ്പെടുത്തുന്നതായിരുന്നു, പക്ഷേ ആവേശവും ഉല്ലാസവും മാന്ത്രികതയും ഭയങ്കരമായിരുന്നു !! എന്റെ ഏറ്റവും നല്ല ഓർമ്മകളിൽ ഒന്ന് !! കമൽ സാറിനും ലോകേഷ് കനകരാജിനും വിക്രമിന്റെ മുഴുവൻ അണിയറപ്രവർത്തകർക്കും എന്റെ ആശംസകൾ!! ❤️😄❤️🙏-ലിസ്സി ലക്ഷ്മി കുറിച്ചത് ഇങ്ങനെ. ഒപ്പം കമല്ഹാസനൊപ്പമുള്ള പഴയ ചിത്രവും പുതിയ ചിത്രവും ലിസ്സി പങ്കുവച്ചിട്ടുണ്ട്.
