മഴ പെയ്താൽ എന്നും ആശ്രയം കുട തന്നെയാണ്. വിവിധ വര്ണങ്ങളിലും വലുപ്പത്തിലുമുള്ള കുടകളെ മഴയിൽ നിന്ന് മാത്രമല്ല വേനൽ കാലത്ത് കൊടും വെയിലിൽ നിന്നും രക്ഷനേടാനും എല്ലാവരും ആശ്രയിക്കാറുണ്ട്.
എന്നാൽ ഇതിനൊന്നും ഉപകാരപ്പെടാത്ത ഒരു കുടയാണ് ഇപ്പോള് ഫാഷന് ലോകത്തെ പ്രധാന ചര്ച്ചാ വിഷയം.
ലോകത്തിലെ ഏറ്റവും വലിയ രണ്ട് ബ്രാന്ഡുകളായ ഗുച്ചിയും അഡിഡാസും. ചേര്ന്ന് പുറത്തിറക്കിയ കുടയാണ് ഫാഷന് പ്രേമികളെ ആകെ കണ്ഫ്യൂഷനിലാക്കിയിരിക്കുന്നത്. ഒരു ലക്ഷം രൂപ വില വരുന്ന ഈ കുട മഴയത്ത് ഉപയോഗിക്കാൻ സാധിക്കില്ല. നല്ല വെയിലത്ത് ഈ കുട ചൂടിയാല് എല്ലാ കുടകളേയും പോലെ സൂര്യപ്രകാശം നേരിട്ട് ഏല്ക്കാതിരിക്കാം എന്നത് മാത്രമാണ് ഉപയോഗം. കുടയുടെ ഹാന്ഡില് 'ജി' ആകൃതിയിലാണ്. ഗുച്ചിയുടേയും അഡിഡാസിന്റേയും ലോഗ പ്രിന്റ് ചെയ്തതാണ് കുടയുടെ ശീല.
ഒരു ചാറ്റല് മഴയില് നിന്ന് പോലും സംരക്ഷിക്കാന് കഴിയില്ലെങ്കില് പിന്നെന്തിനാണ് ഇത്രയധികം വിലയ്ക്ക് കുട വാങ്ങുന്നത് എന്നാണ് പലരും ഉയർത്തുന്ന ചോദ്യം. പ്രധാനമായും സെലിബ്രിറ്റികളെ ലക്ഷ്യമിട്ടാണ് ഈ കുട പുറത്തിറക്കുന്നത്. ചൈനീസ് വിപണിയിലാണ് കുട ഇറക്കിയത്. ചൈനയിലെ സോഷ്യല് മീഡിയ സൈറ്റായ വെബിയോയിലും കുടയെ പറ്റിയുള്ള ചര്ച്ചകള് പൊടിപൊടിക്കുകയാണ്. അതിന്റെ വിലയേയും കുടയെയും പരിഹസിച്ച് നിരവധി ട്രോളുകളും ഇപ്പോള് വ്യാപകമാകുന്നു.
