ഹോളിവുഡ് താരം ജോണി ഡെപ്പും മുന്ഭാര്യ ആംബര് ഹേഡും തമ്മിലുള്ള മാനനഷ്ടക്കേസില് ജോണി ഡെപ്പിന് അനുകൂലമായി വിധി. മുന്ഭാര്യയും നടിയുമായ ആംബര് ഹേര്ഡ് ജോണി ഡെപ്പിന് 15 ദശലക്ഷം ഡോളര് നല്കണമെന്ന് യുഎസിലെ ഫെയര്ഫാക്സ് കൗണ്ടി സര്ക്യൂട്ട് കോടതി കോടതി വിധിച്ചു.
ഏഴ് പേരടങ്ങുന്ന വിര്ജീനിയ ജൂറിയാണ് വിധി പറഞ്ഞത്. ആറാഴ്ചത്തെ സാക്ഷി വിസ്താരം, ക്രോസ് വിസ്താരം എന്നിവയ്ക്കു ശേഷമാണ് കോടതി വിധി പ്രസ്താവിച്ചത്. മുന് ഭര്ത്താവ് ജോണി ഡെപ്പിനെ അപകീര്ത്തിപ്പെടുത്തിയതിന് ആംബര് ഹേഡ് കുറ്റക്കാരിയെന്ന് കോടതി കണ്ടെത്തി. മൂന്ന് ദിവസങ്ങളിലായി ഏകദേശം 13 മണിക്കൂറോളം നീണ്ട ചര്ച്ചക്ക് ശേഷമാണ് കോടതി അന്തിമ തീരുമാനത്തില് എത്തിച്ചേര്ന്നത്.
