സായ് പല്ലവി നായികയാകുന്ന ചിത്രമാണ് 'വിരാട പര്വം'. ഈ ചിത്രത്തിലെ ഗാനത്തിന്റെ ലിറിക്കല് വീഡിയോ പുറത്തുവിട്ടു. ജൂണ് 17ന് ആണ് ചിത്രം തിയറ്റര് റീലിസ് ചെയ്യുന്നത്.
'വെന്നെല്ല' എന്ന കഥാപാത്രമായാണ് സായ് പല്ലവി അഭിനയിക്കുന്നത്. റാണ ദഗുബാടി പൊലീസുകാരനായി ചിത്രത്തില് അഭിനയിക്കുന്നു. വേണു ഉഡുഗുളയാണ് ചിത്രം സംവിധാനം ചെയ്യുന്നത്.
വേണു ഉഡുഗുള തന്നെയാണ് ചിത്രത്തിന്റെ തിരക്കഥ എഴുതുന്നതും. ഡി സുരേഷ് ബാബുവും സുധാകര് ചെറുകുറിയും ചേര്ന്നാണ് ചിത്രം നിര്മിക്കുന്നത്. ശ്രീകര് പ്രസാദ് ആണ് ചിത്രത്തിന്റെ ചിത്രസംയോജനം നിര്വഹിക്കുന്നത്. നന്ദിത ദാസ്, പ്രിയാമണി, സറീന വഹാബ്, ഈശ്വരി റാവു, സായ് ചന്ദ്, നിവേദ, നവീൻ ചന്ദ്ര തുടങ്ങിയവരും ചിത്രത്തില് അഭിനയിക്കുന്നു.
വികരബാദ് ഫോറസ്റ്റില് ആയിരുന്നു സിനിമയുടെ ചില ഭാഗങ്ങള് ചിത്രീകരിച്ചത്. സുരേഷ് ബൊബ്ബിലി ആണ് ചിത്രത്തിന്റെ സംഗീത സംവിധാനം നിര്വഹിക്കുന്നത്. ഡാനിയും ദിവാകര് മണിയും ചേര്ന്നാണ് ഛായാഗ്രാഹണം.
