ഇന്ത്യന് വിപണിയില് റിയല്മിയുടെ ഏറ്റവും പുതിയ സ്മാര്ട്ട്ഫോണ് റിയല്മി സി30 അവതരിപ്പിച്ചു. 2 ജിബി റാം, 3 ജിബി റാം എന്നിങ്ങനെ 32 ജിബി ഇന്റേണല് സ്റ്റോറേജില് രണ്ട് വേരിയന്റുകളില് ആണ് ഫോണ് അവതരിപ്പിച്ചിരിക്കുന്നത്. 2 ജിബി റാമും 32 ജിബി ഇന്റേണല് സ്റ്റോറേജുമുള്ള അടിസ്ഥാന മോഡലിന് 7499 രൂപയാണ് വില. 3 ജിബി റാമും 32 ജിബി ഇന്റേണല് സ്റ്റോറേജുമുള്ള ടോപ്പ് എന്ഡ് മോഡലിന് 8299 രൂപ വിലയുണ്ട്. ഈ രണ്ട് മോഡലുകളും ജൂണ് 27 മുതല് ഫ്ളിപ്കാര്ട്ട്, റിയല്ഡോട്ട്കോം.എന്നിവയില് ലഭ്യമാകും.
ലേക്ക് ബ്ലൂ, ബാംബൂ ഗ്രീന് എന്നിങ്ങനെ രണ്ട് കളര് ഓപ്ഷനുകളില് ഫോണ് ലഭ്യമാണ്. ഫോണിന്റെ പിന് പാനലില് 8 മെഗാപിക്സല് AI ക്യാമറ സെന്സര് ഉണ്ട്. സെല്ഫികള്ക്കും വീഡിയോ കോളുകള്ക്കുമായി f/2.2 അപ്പേര്ച്ചറും 3P ലെന്സും ഉള്ള 5-മെഗാപിക്സല് AI ഷൂട്ടര് ഉള്പ്പെടുന്നു. ഫോണിന് 88.7 ശതമാനം സ്ക്രീന്-ടു-ബോഡി അനുപാതത്തില് 6.5-ഇഞ്ച് ഫുള് സ്ക്രീന് ഡിസ്പ്ലേയാണ്, 120Hz ടച്ച് സാംപ്ലിംഗ് നിരക്ക്. 3 ജിബി വരെ റാമും 32 ജിബി ഇന്റേണല് സ്റ്റോറേജും ജോടിയാക്കിയ യുണിസോക്ക് ടി 612 പ്രൊസസറാണ് ഫോണില് നല്കിയിരിക്കുന്നത്. മൈക്രോ എസ്ഡി കാര്ഡ് സ്ലോട്ട് വഴി 1TB വരെ വികസിപ്പിക്കാവുന്ന സ്റ്റോറേജ് പിന്തുണയുണ്ട്.
സ്മാര്ട്ട്ഫോണിന് 5000എംഎഎച്ച് ബാറ്ററിയും ബോക്സിന് പുറത്ത് സ്റ്റാന്ഡേര്ഡ് 10W ചാര്ജിംഗിനുള്ള പിന്തുണയും ഉണ്ട്. 3.5എംഎം ഹെഡ്സെറ്റ് ജാക്ക്, മൈക്രോ യുഎസ്ബി, ബ്ലൂടൂത്ത് 5.0, സൈഡ് മൗണ്ടഡ് ഫിംഗര്പ്രിന്റ് സെന്സര് എന്നിവയാണ് മറ്റ് സവിശേഷതകള്. പോക്കോ സി സീരീസ്, വരാനിരിക്കുന്ന ലാവ ബ്ലേസ് സീരീസ്, റെഡ്മി നമ്പര് സീരീസ് എന്നിവയാണ് ഫോണിന്റെ പ്രധാന എതിരാളികള്.
