മലയാളത്തിന്റെ യുവ നടിമാരില് ശ്രദ്ധേയയാണ് അഹാന കൃഷ്ണ. നടന് കൃഷ്ണകുമാറിന്റെ മകള്കൂടിയായ അഹാന മലയാള സിനിമയില് ഇപ്പോള് തന്റേതായ ഇടം കണ്ടെത്തിയിരിക്കുകയാണ്. അഹാന മാത്രമല്ല കുടുംബാംഗങ്ങളും സിനിമയിലൂടെയും സോഷ്യല് മീഡിയയിലൂടെയും പ്രേക്ഷകര്ക്കിടയില് ശ്രദ്ധേയമാണ്. ഞാന് സ്റ്റീവ് ലോപ്പസ് എന്ന് ചിത്രത്തിലൂടെയാണ് അഹാന സിനിമ ഇന്ഡസ്ട്രിയില് ശ്രദ്ധേയമാകുന്നത്. തുടര്ന്നും വളരെ കുറച്ച് സിനിമകളില് മാത്രമാണ് അഹാന പ്രത്യക്ഷപ്പെട്ടിട്ടുള്ളൂ എങ്കിലും പ്രേക്ഷക മനസ്സില് എന്തൊക്കെയോ അവശേഷിപ്പിച്ചാണ് തന്റെ ഓരോ സിനിമകളിലൂടെയും അഹാന കടന്നു പോയത്. സിനിമയിലൂം സോഷ്യല് മീഡിയയിലും ഒരുപോലെ തിളങ്ങുന്ന താരം ഇപ്പോള് പങ്കുവെച്ചിരിക്കുന്ന വിശേഷങ്ങളും ശ്രദ്ധേയമാകുകയാണ്.
എന്തിനാണ് നിങ്ങള് ജിമ്മില് പോകുന്നത്? അല്ലെങ്കില് എന്തിനെല്ലാമാണ് സാധാരണ എല്ലാവരും പോകാറുള്ളത്, ആരാധകരോട് ഇപ്പോള് അഹാന തന്നെ ചോദിക്കുന്നത് ഇതാണ്. വര്ക്കൗട്ട് എന്നാവും ഏകദേശഷം എല്ലാവരുടേയും മനസ്സില് വരുന്ന ഉത്തരം. തടി കുറയ്ക്കാനും കൂട്ടാനും ആരോഗ്യത്തോടെ ഫിറ്റായിട്ടിരിക്കാനുമെല്ലാമാണ് ബഹുഭൂരിക്ഷം ആളുകളും ജിമ്മില് പോകുന്നത്. എന്നാല് അഹാന പോകുന്ന്ത് ഇതിന് മാത്രമല്ലെന്നാണ് ഇപ്പോള് താരം തന്നെ പറയുന്നത്. 'വര്ക്കൗട്ട് ഒഴികെ മറ്റെന്തെല്ലാം കാര്യങ്ങളാണ് നിങ്ങള് ജിമ്മില് പോയാല് ചെയ്യുന്നത്? ഞാന് പോകുന്നത് അവിടുത്തെ കണ്ണാടിയില് നോക്കി സംസാരിക്കാനും എന്റെ കുറേയേറെ ചിത്രങ്ങള് പകര്ത്താനുമാണ്. കഴിഞ്ഞ മൂന്ന് വര്ഷമായി ഇതൊക്കെ ചെയ്ത് ഞാനെന്റെ ട്രെയിനറേയും എന്റെര്ടെയിന് ചെയ്യിക്കാറുണ്ട്. അതുകൊണ്ട് തന്നെ അദ്ദേഹം എന്നെയല്ല, ഞാന് അദ്ദേഹത്തെയാണ് ട്രെയിന് ചെയ്യിക്കുന്നത്.' ഇങ്ങനെയാണ് അഹാന തന്റെ ചിത്രങ്ങളോടൊപ്പം കുറിച്ചിരിക്കുന്നത്.
പോസ്റ്റില് കുറിച്ചിരിക്കുന്നത് പോലെ ജിമ്മിലെ കണ്ണാടിയില് നോക്കി പല പോസിലായി എടുത്ത് ചിത്രങ്ങളും ട്രെയിനര്ക്കൊപ്പമുള്ള ചിത്രങ്ങളുമെല്ലാം അഹാന പങ്കുവെച്ചിട്ടുണ്ട്. ജിമ്മില് ഇത്രയും രസകരമായാണോ വര്ക്കൌട്ട് എന്ന്ൊക്കെയാണ് ചിലര് ചോദിക്കുന്നത്. എന്നാല് ചിലരുടെ സംശയം അഹാന ജിമ്മില് പോയത് വര്ക്കൗട്ട് ചെയ്യാനാണോ അതോ ഫോട്ടോഷൂട്ടിനാണോ എന്നാണ്. ജിമ്മിലെ വര്ക്കൗട്ടില് അഹാന പഴയ രൂപത്തില് നിന്നും ഏറെ വ്യത്യാസപ്പെട്ടിരിക്കുന്നു എന്നാണ് ആരാധകരും പറയുന്നത്. കാഴ്ച്ചയില് ആ മാറ്റം വ്യക്തമാണ്. ഇത് ഏതെങ്കിലും സിനിമയ്ക്ക് വേണ്ടിയുള്ള ഒരുക്കമാണോ എന്നും ആരാധകര് ചോദിക്കുന്നുണ്ട്. ചിത്രത്തിന് വേണ്ടിയാണോ എന്നതിനെക്കുറിച്ചോ അല്ലെങ്കില് പുതിയ ചിത്രത്തിന്റെ വിവരങ്ങളോ താരം പുറത്തുവിട്ടിട്ടുമില്ല.
